Սուսերամարտի միջազգային մրցաշարի ամփոփում, արդյունքներ

«Մխիթար Սեբաստացի» կրթահամալիրի «Վահան Ասատրյան» մարզադահլիճում կայացավ սուսերամարտի բաց միջազգային առաջնությունը, որին մանակցում էին՝ կրթահամալիրի սուսերամարտի ակումբի սաներ, Երևանի օլիմպիական հերթափոխի մարզադպրոցի սաներ, Գյումրու հավաքական թիմի սաներ, Մասիվի հրաձգության մարզադպրոցի սաներ, Ալբերտ Գրիգորյանի անվան սուսերամարտի մարզադպրոցի սաներ, Վրաստանից ժամանած սուսերամարտիկներ:

Այս մրցաշարը փորձի փոխանակման, նոր հմտությունների ձեռբերման, սպորտաձևում կայանալու փայլուն հնարավորություն է։ Կրթահամալիրի սաները գրանցեցին իրենց լավագույն արդյունքները։ Ինչը միայն մեկնարկն է առաջիկայում ավելի բարդ մենամարտերի մասնակցելու համար։

Շարունակել կարդալ

ՀՀ սուսերամարտի պատանիների առաջնության նախագիծ

Նպատակը և խնդիրները՝

  • Մասնակցել սուսերամարտի պատանիների մրցաշարին
  • Ձեռք բերել մրցակցային փորձ
  • Բարձրացնել մարզիկների մրցակցային պատրաստականությունը:
  • Մխիթար Սեբաստացի կրթահամալիրում զարգացնել սուսերամարտ մարզաձևը

Ժամկետը՝ Նոյեմբերի 10-ին

Անցկացման վայրը՝ Երևան քաղաքի, Շենգավիթ համայնքի սուսերամարտի օլիմպիական մարզադպրոց

Մեկնումը՝ Մայր դպրոցից ժամը՝ 9.00

Ժամանակացույց՝

  • 9.00 մեկում:
  • 11.00 Բացման արարողություն
  • 11.30 Խոցասուսեր՝ աղջիկներ և տղաներ: Եզրափակիչ:
  • 17.00 վերադարձ:

Մասնակիցներ՝

<<Մխիթար Սեբաստացի>> կրթահամալիրի սուսերամարտի ակումբի սովորողներ՝

  1. Կարինե Գյուլումյան -Ավագ դպրոց-9-րդ դասարան/մասնակից/
  2. Միքայել Գևորգյան -Ավագ դպրոց-10-րդ դասարան/մասնակից/
  3. Մաքս Սինհա- Ավագ դպրոց 9-րդ դասարան/մասնակից/
  4. Թադևոսյան Աննա- Միջին դպրոց 7-րդ դասարան/մասնակից/
  5. Առաքելյան Մանե- Միջին դպրոց 7-րդ դասարան/մասնակից/
  6. Մովսիսյան Ռոզա- Միջին դպրոց 7-րդ դասարան/մասնակից/
  7. Մխիթարյան Ռոբերտ- Միջին դպրոց 7-րդ դասարան/մասնակից/

Պատասխանատուներ՝ Միքայել Ղազարյան, Ռոբերտ Խաչատրյան

Միասնական հավաք Գյումրու օլիմպիական մարզադպրոցի հետ

Նպատակ՝ ուսումնամարզական հավաքի միջոցով իրականացնել փորձի փոխանակում, նախապատրաստվել ՀՀ պատանիների առաջնությանը, սուսերամարտի ամենամյա բաց մրցաշարին, ձեռք բերել մրցակցելու հմտություններ, փորձառություն:

Ժամանակահատված՝ Նոյեմբերի 4-11

Մասնակիցներ՝

Մխիթար Սեբաստացի կրթահամալիրի սուսերամարտի ակումբի սովորողներ՝

  • Միքայել Ղազարյան/մարզիչ/
  • Ռոբերտ Խաչատրյան/մարզիչ/
  • Կարինե Գյուլումյան
  • Իռեն Ջալիկյան
  • Նանե Ժամհարյան
  • Միքայել Գևորգյան

Գյումրու օլիմպիական հերթափոխի մարզադպրոցի սաներ՝

  • Միհրան Ղազարյան/ավագ մարզիչ/
  • Ավետիք Կոջիբրոյան/մարզիչ/
  • Ասիա Մնոյան
  • Սոֆի Մկրտչյան
  • Միլենա Պետրոսյան
  • Նարեկ Հովհաննիսյան
  • Արտյոմ Խալաթյան
  • Սոֆի Սահակյան

Ծրագիր՝

  • Միասնական մարզումներ
  • Շրջայց կրթահամալիրում, ծանոթացում մարզական ակումբներին՝ մարզումներ
  • Ձիավարություն, լող
  • Քաղաքային թափառումներ

04.11

14.00 Գյումրիի օլիմպիական մարզադպրոցի թիմի ժամանաում, տեղավորում կացարանում

15.15 Մասնակցություն մեդիաուրբաթին

16.30 Ձիավորություն՝ ուսումնական ագարակում

17.30 Հանգստի ժամ

20.00 Ընթրիք

21.00 Օրվա քննարկում

22.00 Քուն

05.11

8.00 Վերկաց, նախավարժանք

9.00 Նախաճաշ

11.00 ԸՖՊ մարզում՝ Մայր դպրոցում

14.00 Ճաշ

15.00 Ազատ ժամ

16.00 Միասնական մարզում Նորագավթի մարզադպրոցում

19.00 Ընթրիք

20.00 Քաղաքային թափառումներ

22.00 Քուն

06.11

8.00 Վերկաց, նախավարժանք

9.00 Նախաճաշ

11.00 ԸՖՊ մարզում՝ Մայր դպրոցում

14.00 Ճաշ

15.00 Այց Գեղարդ

19.00 Ընթրիք

20.00 Ինտելեկտուալ խաղեր

22.00 Քուն

07.11

8.00 Վերկաց

9.00 Նախաճաշ

10.00-12.00 Ավագ և Միջին դպրոցի սովորողների հետ միասնական մարզումներ՝ փորձի փոխանակում, վարպետաց դաս

14.00 Ճաշ

16.00 Սուսերամարտի ակումբում լրացուցիչ կրթության մարզում

19.00 Ընթրիք

20.00 Օրվա քննարկում, ինտելեկտուալ խաղեր

22.00 Քուն

08.11

8.00 Վերկաց

9.00 Նախաճաշ

10.00-12.00 Ավագ և Միջին դպրոցի սովորողների հետ միասնական մարզումներ՝ փորձի փոխանակում, վարպետաց դաս

14.00 Ճաշ

16.00 Լող՝ կրթահամալիրի ծածկած լողավազանում

19.00 Ընթրիք

20.00 Օրվա քննարկում, ինտելեկտուալ խաղեր

22.00 Քուն

9.11

8.00 Վերկաց

9.00 Նախաճաշ

10.00-12.00 Ավագ և Միջին դպրոցի սովորողների հետ միասնական մարզումներ՝ փորձի փոխանակում, վարպետաց դաս

13.00 Հանգստի ժամ

14.00 Ճաշ

16.00 Միասնական մարզում Նորագավթի մարզադպրոցում

19.00 Ընթրիք

20.00 Օրվա քննարկում, ինտելեկտուալ խաղեր

22.00 Քուն

10.11

8.00 Վերկաց

8.30 Նախաճաշ

9.30 ՀՀ պատանիների սուսերամարտի առաջնություն

19.00 Ընթրիք

21.00 Օրվա քննարկում

22.00 Քուն

11.11

8.00 Վերկաց

8.30 Նախաճաշ

9.30 ՀՀ սուսերամարտի պատանիների ճկասուսեր զենքաձևի մրցաշար

16.00 Վերադարձ Գյումրի

Լուսաբանում՝ Հասմիկ Սիմոնյան

Պատասխանատուներ՝ Միքայել Ղազարյան, Ռոբերտ Խաչատրյան

Սուսերամարտի ամենամյա միջազգային բաց մրցաշար

Նպատակը՝ Սեբաստացու օրեր՝ նոյեմբերի 28-30 «Մխիթար Սեբաստացի» կրթահամալիրում կազմակերպել սուսերամարտի ամենամյա միջազգային բաց մրցաշար

  • <<Սեբաստացու օրերին>> կազմակերպել սուսերամարտի բաց մրցաշար
  • Ներկայացնել կրթահամալիրը, մարզադպրոցը, սուսերամարտի ակումբը
  • Համագործակցություն

Ժամանակահատվածը՝ նոյեմբերի 28-30

Սուսերամարտի ամենամյա մրցաշարի հանդիսավոր մեկնարկ՝ Մրցաշարի բացումը կկայանա նոյեմբերի 29-ին ժամը՝ 14:00 Մայր դպրոց <<Վահան Ասատրյան>> մարզադահլիճում: Ծրագրի պատասխանատու՝ Սյուզի Մարգարյան: Բացման խոսք՝ կրթահամալիրի հիմնադիր տնօրեն՝ Աշոտ Բլեյան, տնօրեն՝ Սուսան Մարկոսյան, ֆեդերացիայի նախագահ՝ Արմեն Գրիգորյան:

Մասնակիցներ՝ Մխիթար Սեբաստացի կրթահամալիրի սուսերամարտի ակումբի սովորողներ, Երևանի օլիմպիական հերթափոխի մարզադպրոցի սաներ, Գյումրու հավաքական թիմի սաներ, Մասիվի հրաձգության մարզադպրոցի սաներ, Ալբերտ Գրիգորյանի անվան սուսերամարտի մարզադպրոցի սաներ, Վրաստանից ժամանած սուսերամարտիկներ:

<<Մխիթար Սեբաստացի>> կրթահամալիրի սուսերամարտի ակումբի սովորողներ՝

Կարինե Գյուլումյան -Ավագ դպրոց-9-րդ դասարան/մասնակից/

Միքայել Գևորգյան -Ավագ դպրոց-10-րդ դասարան/մասնակից/

Մաքս Սինհա- Ավագ դպրոց 9-րդ դասարան/մասնակից/

Թադևոսյան Աննա- Միջին դպրոց 7-րդ դասարան/մասնակից/

Առաքելյան Մանե- Միջին դպրոց 7-րդ դասարան/մասնակից/

Մովսիսյան Ռոզա- Միջին դպրոց 7-րդ դասարան/մասնակից/

Մխիթարյան Ռոբերտ- Միջին դպրոց 7-րդ դասարան/մասնակից/

Դավիթ Սողոմոնյան- Միջին դպրոց 7-րդ դասարան/մասնակից/

Իռեն Ջանիբեկյան-Ավագ դպրոց-9-րդ դասարան/մասնակից/

Կատրին Ստեփանյան- Միջին դպրոց 6-րդ դասարան/մասնակից/

Արփի Մելիքյան- Միջին դպրոց 6-րդ դասարան/մասնակից/

Ծախսերը

Մրցաշարի կազմակերպման ուսումնական ծախսերը հոգում է կրթահամալիրը։ Մասնակիցները կարող են սահմանված կարգով օգտվել կրթահամալիրի կրթական փոխանակումների կենտրոնի կացարանից։ Կացարաններից չօգտվող կազմակերպությունների գործուղման ծախսերը հոգում է գործուղող կազմակերպությունը:

 Պարգևատրություն

Մրցաշարի մասնակցության համար թիմերը ստանում են վկայագիր (պատվոգիր), հաղթողները պագևատրվում են կրթահամալիրում ստեղծված նվերով:

Կացարան՝ Կրթահամալիրի կացարանից կօգտվեն՝ Վրաստանի հավաքական թիմը/ 10 սուսերամարտիկ/ և Գյումրիի հավաքական թիմը/6 սուսերամարտիկ/:

Ընդունելության ծրագիր՝ 


28.11.2022
17.00 Գյուրիից և Վրաստանից ժամանած հյուրերի դիմավորում

18:00` հյուրերի տեղավորում կրթահամալիրի կացարանում, հանգիստ:

19:00՝ Ընթրիք

20:00՝ Հավաք, քննարկում:

22.00՝ քուն

29.11.2022

8:00՝ վերկաց

9:00 նախաճաշ

11:00 Խոցասուսեր մրցաձև՝ տղաներ և աղջիկներ

14.00 Պաշտոնական բացման արարողություն

16:00 Եզրափակիչ փուլ

17:00 Մրցանակաբաշխություն

18.00 ընթրիք

19.00 քաղաքային թափառումներ

23.00 քուն

30.11.2022
9.00 նախաճաշ

11:00` հյուրերի ճանապարհում

Բուժաշխատող՝ Քրիստինե Սահակյան

Լուսաբանումը՝ Սմբատ Պետրոսյան

Պատասխանատուներ՝ Միքայել Ղազարայան, Ռոբերտ Խաչատրյան և սուսերամարտիկներ

Երկարացված օրվա կազմակերպիչների հեծանվավարության ստուգատես

Նպատակը՝ ստուգել և գրանցել երկարացված օրվա կազմակերպիչների հեծանիվ վարելու կարողությունները,հմտությունները:

Վայրը՝ Մայր դպրոցի հեծանվային ակումբ

ժամկետը՝ Հոկտեմբերի 24-ին

ժամը՝ 9.50-11.30

Մասնակիցներ՝ Երկարացված օրվա կազմակերպիչների

Նորմատիվներ՝

  • ինքնուրույն հեծանիվ նստելու, մեկնարկելու կարողություն
  • հեծանիվ վարելու կարողություն
  • շրջադարձեր կատարելու կարողություն
  • հեծանիվի շղթան ինքնուրույն վերանորոգելու կորողություն

Նախագիծը՝

Հետազոտական աշխատանք

«Մխիթար Սեբաստացի» կրթահամալիր

ՀԵՐԹԱԿԱՆ ԱՏԵՍՏԱՎՈՐՄԱՆ ԵՆԹԱԿԱ ՈՒՍՈՒՑՉԻ ՎԵՐԱՊԱՏՐԱՍՏՄԱՆ ԴԱՍԸՆԹԱՑ

«Հետազոտական աշխատանք կատարելու սկզբունքները» բաժին

ՀԵՏԱԶՈՏԱԿԱՆ ԱՇԽԱՏԱՆՔ

Թեմա՝ Ճամփորդությունների, ճամբարներ կազմակերպումը

Կատարող՝ Միքայել Ղազարյան

Դասավանդած առարկան՝ ֆիզկուլտուրա, սուսերամարտի մարզիչ

Խորհրդատու՝ Նաիրա Հարությունյան

2022

 Հետազոտական աշխատանքի կառուցվածքը

  1. Տիտղոսաթերթ
  2. Բովանդակություն
  3. Ներածություն, որտեղ հիմնավորվում է թեմայի ընտրությունը, ձևակերպվում է աշխատանքի հստակ նպատակը (Տեքստը շարադրելիս անհրաժեշտ է հղում կատարել այն աղբյուներին, որոնիցի փոխառնվել են օգտագործված նյութերը)
  4. Բաժիններ
  5. Եզրակացություն, առաջարկություն
  6. Օգտագործված գրականություն

Ներածություն

Ուսումնական ճամփորդությունները  (այսուհետ` ճամփորդություն) «Մխիթար Սեբաստաի» կրթահամալիրի, կրթական ծրագրի բաղկացուցիչներն  են: Դրանք որոշված են առարկայական ծրագրով, կամ ուսումնական նախագծով (նախագծերով), և ինքնուրույն ուսումնական նախագիծ, կամ ուսումնական պարապմունք են: Ճամփորդությունները անհրաժեշտ են հայրենիքը ճանաչելու, նոր գործընկերեներ ձեռք բերելու, մարզական տարբեր միջոցառումների մասնակցելու, Հայաստանում և Հայաստանից դուրս մրցաշարերի մասնակցելու և շատ այլ գործոնների համար: Ճամփորդությունը բարձրացնում է սովորողի բարոյակամային հատկանիշները, բարձունքների հաղթահարման ժամանակ ի հայտ է գալիս ընկերոջը օգնելու, աջակցելու հատկանիշը:  Ճամփորդության տևողությունը որոշվում է ըստ ճամփորդության նպատակի, խնդիրների, մասնակիցների տարիքի և ֆիզիկական պատրաստվածության։ : Ինչպես ժողովրդական առածում՝ «Մարդուն ճանապարհին էս ճանաչում» իզուր չի, որովհետև միասին վրանի տակ ապրելու, միասին լողալու , ճաշելու, մարզվելու ընթաքում ի հայտ են գալիս սովորողի բնավորության գծերը, պահվածքը և այլն: «Մխիթար Սեբաստացի» կրթահամալիրում ընդունելությունը կազմակերպվում է մուտքի ճամբարով և դա ճիշտ է, սովորողը մեկ շաբաթ և ավել ապրում է ճամբարային կյանքով, որը կրթահամալիր ընդունվելուց հետո դառնում է նրա ուսումնական պլանի անբաժան մասը: «Մխիթար Սեբաստացի» կրթահամալիրում ճամփորդության կազմակերպման պահանջներին կարող էք ծանոթանալ՝

Ուսումնական ճամփորդությունների կազմակերպման կարգ-ում

Որպես ուսումնական նախագիծ՝ ուսումնական ճամփորդությունը պիտի իր էջը ունենա մասնակիցների բլոգներում, ենթակայքում, mskh.am կայքում, մեդիագրադարանում լրացվում են ճամփորդությունների քարտեզն ու պատմությունը։

 «Մխիթար Սեբաստացի» կրթահամալիրի դասարանի, դպրոցի, ակումբի, տարատարիք խմբի ուսումնական ճամփորդությունը, կրթահամալիրային ուսումնական նախագծով իրականացվող ճամփորդությունները, ստուգատեսային ճամբարները, արտագնա ստեղծագործական հավաքները կազմակերպվում են կրթահամալիրի տնօրենի հրամանով, դպրոցի, ստուգատեսի ղեկավարի հայտով։ Այս ամենի մեջ ուզում եմ կարևորել մարզական բազմաբնույթ ճամփորդությունները: Ընտրել եմ ճամփորդությունների և ճամբարների կազմակերպումը թեման, որովհետև սուսերամարտի մարզիչ եմ, իսկ մարզիչը պետք է շատ ճամփորդի, մասնակցի մարզական մրցաշարերի Հայաստանում և միջազգային հարթակներում, մասնակցի մարզական ճամբարների իր ակումբի սովորողների հետ:

Ճամփորդության ընթացքում և հետո մասնակիցները հրապարակում են պատում, նկարաշար, ֆիլմ, և ուսումնական նյութերը, յուրաքանչյուրը իր բլոգում հրապարակում է իր հաշվետվությունը։ Ճամփորդության ղեկավարի հաշվետվությունը հրապարակվում է նաև mskh.am-ում։ «Մխիթար Սեբաստացի» կրթահամակիրի, սուսերամարտի ակումբի սովորողները մասնակցել են տարբեր մարզական ճամփորդությունների, մրցաշարերի, Հայաստանում և միջազգային հարթակներում:

2021-2022 ուստարվա ընթացքում սուսերամարտի ակումբը մասնակցել է հանրապետական և միջազգային մի շարք մրցաշարերի՝

Ճամփորդությունները լինում են մեկօրյա և բազմօրյա: Ճամփորդություն տանելուց առաջ պետք է այն բերել նախագծի տեսքի, որտեղ պետք է երևա ճամփորդության նպատակը, խնդիրները, օրը, ժամը, մասնակիցների թիվը և այլն: Կան մարզական ճամփորդություններ, օրինակ միջազգային, որոնք նախագծվում են տվյալ մարզաձևի ֆեդերացիաների կողմից: Ֆեդերացիան կարգով ուղարկում է հրավերքը սուսերամարտի ակումբներին, ովքեր հայտով մասնակցում են մրցաշարին: Այստեղ կարևորում եմ  կապը ֆեդերացիայի հետ: «Մխիթար Սեբաստացի» կրթահամալիրի մարզիկները տարվա ընթացքում մասնակցում են ֆեդերացիաների կազմակերպած մրցաշարերին:  Ֆեդերացիայի ուղարկած մրցաշարի կանոնադրությունը ստանալուց հետո, մարզիչները ներկայացնում են մասնակիցների հայտը և մասնակցում են մարզական մրցում ճամփորդությանը:

Ներկայացնում եմ սուսերամարտի, միջազգային բազմօրյա  մրցաշարի նախագիծ, որը կայացել է հունիսին՝

Նպատակը և խնդիրները՝

  • Մասնակցել սուսերամարտի միջազգային մրցաշարին
  • «Մխիթար Սեբաստացի» կրթահամալիրում զարգացնել սուսերամարտ մարզաձևը
  • Բարձրացնել մարզիկների մրցակցային պատրաստականությունը:

Ժամկետը՝ Հունիսի 3-6

Անցկացման վայրը՝ Վրաստանի՝ Բաթումի քաղաք

Մեկնումը՝ Մայր դպրոցից ժամը՝ 9.00

Ժամանակացույց՝

  • 3.06.2022 մեկում:
  • 4.06.2022 Բացման արարողություն, ճկասուսերի առաջնություն:
  • 5.06.2022 Խոցասուսեր՝ աղջիկներ և տղաներ: Եզրափակիչ:
  • 6.06.2022 վերադարձ:

Երթուղին՝

  • Մեկնումը՝ Երևան- Սևան- Իջևան-Նոյեմբերյան-Բագրատաշեն- Թբիլիսի-Բաթումի (կանգառը՝ Գետիկ և Աղստև գետերի միախարնման տեղում)
  • Վերադարձը՝ Բաթումի-Թբիլիսի-Բագրատաշեն- Նոյելբերյան-Իջևան-Սևան-Երևան (կանգառը՝ Թբիլիսի քաղաքում և Սևանի հանրային լողափում)

Մասնակիցներ՝

 «Մխիթար Սեբաստացի» կրթահամալիրի սուսերամարտի ակումբ

  1. Մարկ Հովհաննիսյան- Ավագ դպրոց-9-րդ դասարան/մասնակից/
  2. Կարինե Գյուլումյան -Միջին դպրոց-8-րդ դասարան/մասնակից/
  3. Միքայել Գևորգյան -Ավագ դպրոց-9-րդ դասարան/մասնակից/
  4. Միքայել Ղազարյան- /մարզիչ/
  5. Տաթև Համբարյան-/լուսաբանող/
  6. Մարտին Ղազարյան

Ժամանակացույցը՝

3.06

09:00 Մեկնում

20:00 Ժամանում հյուրատուն

21:00 Ընթրիք

22:00 Հանգիստ

23.00 Քուն

4.06

08:00 Վերկաց

09:00 Նախաճաշ

10:00 Մեկնում մարզադահլիճ

11:00 Մրցաշարի բացում

12:00- Ճկասուսեր մրցաձևի մրցաշարի մեկնարկ

15.00 Լող՝ Սև ծովում

20.00 Ընթրիք

21:00 Քաղաքային թափառումներ, գիշերային Բաթումիով

23.00 Քուն

5.06

08:00 Վերկաց

09:00 Նախաճաշ

11:00-18:00 Աղջիկների և տղաների խոցասուսեր մրցաձևի մրցաշար, եզրափակիչ

19:00 Հանգիստ

20.00 Ընթրիք

21:00 Այց քաղաքային լողափ

23.00 Քուն

6.06

08:00 Վերկաց

09:00 Նախաճաշ

10:00 Իրերի հավաքում, մեկնում

21.00 Ժամանում Երևան                    

Ճամփորդության նախահաշիվ՝

  • Վառելիքի ծախս՝ անձնական միջոցով
  • Գիշերակացը և սնունդը՝ Բաթումիի հյուրատանը՝ ծնողների և անձնական միջոցներով
  • Կորոնավիրուսի թեստի վճար՝ ծնողների և անձնական միջոցներով

Ներկայացնում եմ «Սեբաստացու օրեր» նախագծի շրջանակներում սուսերամարտի ակումբի կազմակերպած, սուսերամարտի բաց մրցաշար, ուսումնամարզական  հավաքը

Նախագիծը՝

Սուսերամարտի բաց մրցաշար. «Սեբաստացու օրեր»

Արդյունքը՝

Սուսերամարտի բաց մրցաշար. հաշվետվություն

 «Մխիթար Սեբաստացի» կրթահամալիրում կազմակերպվում են ուսումնական ճամբարներ, որի կարգին կարող էք ծանոթանալ այստեղ

Ճամբարները կազմակերպվում են ուսումնական օրացույցին համապատասխան:

Ձմեռային ճամբարին մասնակցում են ծրագրի բոլոր սովորողները, դասավանդողները: Ամառային ճամբարին չեն մասնակցում հիմնական և միջնակարգ դպրոցի շրջանավարտ սովորողները: Սովորողի ծնողի մասնակցությունը խրախուսվում է: Ճամբարականների մեջ կարող են ընդգրկվել նաև այլ դպրոցների սովորողներ ու դասավանդողներ, որոնք մասնակցության հայտ են ներկայացրել իրենց նախաձեռնությամբ, կամ որոնց հրավիրել են ծրագրի սովորողները, դասավանդողները: Ձմեռային ճամբարում «Մխիթար Սեբաստացի» կրթահամալիրի դասարանները դառնում են ջոկատներ, իսկ դասավանդողը ջոկատավար: Ճամբարի ընթացքում յուրաքանչյուր մասնակից առնվազն մեկ անգամ մասնակցում է ուսումնական ճամփորդության` առանց գիշերելու և գիշերելով: Այստեղ մեծ տեղ և դեր ունեն ձմեռային մարզական ճամփորդությունները, որոնք ներառվում են մարզական ձմեռային խաղերի օրակարգում և ունեն տարբեր ոււղղություններ՝

  • Սահադաշտ
  • Ջրվեժ
  • Սևաբերդ
  • Ապարան
  • Լեռնանիստ
  • Ծաղկունք
  • Արատես

Ձմեռային մարզական ճամփորդություններին մասնակցում են «Մխիթար Սեբաստացի» կրթահամալիրի մի խումբ  դասավանդողներ, որի նպատակն է  հետախուզել  ճամփորդության ուղին, անվտանգ անցումները, եղանակային պայմանները՝

Ժամկետը՝ Հունվարի 6-ին,

Մեկնումը՝ Մայր դպրոցից` ժամը 9:00

Նպատակը՝ Ձմեռային մարզական խաղերի նախապատրաստական աշխատանքներ Ջրվեժ անտառապարկում և Սևաբերդում:

Անհրաժեշտ պարագաներ՝ Տաք հագուստ, ձեռնոց, տեսախցիկ, թերմոսով թեյ, փոքր ընդմիջում:

Մասնակիցները՝ Մարզիչներ, եռամարտի կազմակերպիչներ, դասավանդողներ, սովորողներ

  • Միքայել Ղազարյան
  • Ռոբերտ Խաչատրյան
  • Մարիամ Մանասյան
  • Մադլեն Թերզյան
  • Անի Հակոբյան

Երթուղին՝

  • 9:00 Մայր դպրոց, Ջրվեժ անտառապարկ, տարածքի ուսումնասիրություն, հարմար լանջերի ընտրում՝ /սահնակ, դահուկներով սահելու համար/
  • 11.00 Հանդիպում անտառապարկի տնօրինության հետ
  • Ընդմիջում, թեյախմություն
  • 11.30 Այց Կոտայքի մարզ՝ գյուղ Սևաբերդ, տարածքի ուսումնասիրություն, հարմար լանջերի ընտրում /սահնակ, դահուկներով սահելու համար/Ձմեռային խաղեր՝ սահնակ, դահուկ,
  • Ընդմիջում, թեյախմություն:

Վերադարձը՝ 14.00

Մեկ այլ նախագիծ, դասավանդողների մասնակցությամն

Աշխատանքային այց Ծաղկունք գյուղ

Ձմեռային մարզական ճամբարները «Մխիթար Սեբաստացի» կրթահամալիրի դպրոցներում  ունենում են համակրգողներ, ներկայացնում եմ նրանց դիտարկումները՝

  • Անուշ Թորոսյան՝ Հունվարյան ճամբարն այս տարի ավելի հագեցած էր, քանի որ ունեցանք համագործակցային ,հետաքրքիր, մարզական նախագծեր Ավագ դպրոցի սովորողների հետ։Կրտսեր սովորողները՝1-3րդ դասարանները, մասնակցեցին մարզական ստուգատեսին և ունեցանք շատ լավ հաջողությաններ։ Ճամփորդական հիմնական ուղղություններն էին՝ Սևաբերդ, Ջրվեժ,Արատես, Գեղասահքի դպրոց, Զովաբեր։ Ճամփորդությանները շատ հագեցած էին և դժվարությաններ չենք ունեցել։ 4-5րդ դասարանցիները ունեցան հեծանվային ստուգատես։ Ստուգատեսը իրականացրեցինք Մայր դպրոցի հեծանվաուղիներով ընկեր Հրայրի օգնությամբ և նույնպես դժգոհություն չունեմ։ Այս տարի շատ ավելի լավ էր կազմակերպումը։
  • Նաիրա Հարութունյան՝ Միջին դպրոցի ջոկատները այս տարի շատ ակտիվ մասնակցել եմ մարզական ձմեռային խաղերին, ճամփորդել եմ նախագծով նախատեսված բոլոր ձնառատ ուղղություններով, սահել են չմուշկներով: Ակտիվ աշխատանք եմ տարել մարզիչների հետ, որպեսզի նրանք մասնակցեն և աջակցեն սովորողներին և ջոկատավարներին, մարզական խաղերի ժամանակ: Խնդիրներ չենք ունեցել, մասնակիցները գոհ են եղել, որպես ձեռքբերում ճամփորդություններին միջին դպրոցը շատ ակտիվ է եղել:
  • Սյուզաննա Սարգսյան՝ Այս տարվա ժամանակացույցը շատ ճիշտ, հստակ էր կազմված, ժամանակացույցի խնդիր չենք ունեցել։ Միակ խնդիրը եղել է, երբեմն մարզիչների բացակայությունը, որը հասկանալի է եղել, մարզիչները եղած խմբերի համեմատությամբ շատ քիչ են։Այս տարի, շատ ավելի ոգևորված են մասնակցել սովորողները և դասավանդողները։
  • Սյուզաննա Դանիելյան՝ Լինելով նոր աշխատող, ես չհանդիպեցի խնդիրների։Ճամփորդությունները անցան շատ հետաքրքիր, ակտիվ, առանց խոչնդոտների։Ճամփորդությունների շնորհիվ սովորողների հետ ավելի մտերմացա, ճանաչեցի նրանց յուրովի, բացահայտեցի նրանց մարզական կարողությունները։Ես որպես անհատ եղա այնպիսի վայրերում, որ նախկինում չէի եղել։Հունվարյան ճամբարը շատ բուռն ու հագեցած անցավ։
  • Մարալ Կարապետյան՝ Մարզական ստուգատեսը՝ ձմեռային մարզական խաղերով երկրորդ ուսումնական շրջանում կազակերպվում է՝ որպես ուսպլանով որոշված ֆիզկուլտուրա և անվտանգ կենսագործունեություն ուսումնական բաղադրիչի առաջին ուսումնական շրջանի ամփոփում-հաշվետվություն: Մարզական խաղերը հանրայնացվում են բաց հարթակներում, ինչպիսին են քաղքային սահադաշտերը, Ջրվեժի անտառապարկ- արգելոցը, Սևաբերդը, Լեռնանիստը, Արատեսի դպրական կենտրոնը: Կարևոր ցուցանիշ է սովորողների համընդհանուր մասնակցությունը: Մարզական խաղերին, ցավոք, չեն կարողանում մասնակցել միայն այն սովորողները, ովքեր սուր շնչառական վարակների պատճառով չեն մասնակցում ճամբարային առկա գործունեությանը:

«Մխիթար Սեբաստացի» կրթահամալիրի կազմակերպած ամառային ճամբարները իրենց բազմազանությամբ չեն զիջում ձմեռային ճամբարներին: Ամառային ճամբարներ ունեցել ենք  Սևանի ափին,  «Ժայռ» ռազմամարզական բազայում, Ծովինարում և արդեն երկու տարի է Վաղաշենի բնապահպանական արգելոցում, որը գտնվում է Գեղարքունիքի մարզի Վաղաշեն գյուղից 1.5 կմ դեպի հարավ ՝ Սևանա լճի ափին։ ճամբարը վրանային բնապահպանական է, որովհետև գլխավոր պայմանը, ափը աղբից  մաքրելն էր։  Սովորողները և դասավանդողները ջոկատներով,  երեք օր անցկացնում էին ճամբարում,  փոցխերը, բահերը, սայլակները, տոպրակները ձեռքներին մաքրում էին ափամերձ գոտին, ճամբարի տարածքը, հավաքում էին սանիտարական հատումից մնացած ճյուղերը, հետո լողում էին, մարզվում, մարզական համատեղ ճամբարներ էին անցկացնում Վաղաշենի և Մարտունու դպրոցների մարզիկների հետ, երգում և պարում էին խարույկի շուրջ:

Ներկայացնում եմ Ալին Թումասյանի համագործակցային, բնապահպանական ճամբարի նախագիծը՝

Ամառային մարզական բասկետբոլի ճամբար Վաղաշենում

Արդյունքում՝

Վաղաշենի մարզական, բնապահպանական ճամբար

Ռոբերտ Խաչատրյանի ամառային Վաղաշենի բնապահպանական ճամբարի նախագիծը՝

Բնապահպանական վրանային ճամբար. նախագծի համաձայն հուլիսի 31-ին մեկնարկեց Վաղաշենի բնապահպանական արշավախմբային ճամբարը։ Ճամբարի տարածքը գտնվում է Սևան ազգային պարկի հովանու ներքո։ Վաղաշեն գյուղի ափամերձ վայրն ունի հեքիաթային անտառ և լողափ։ Կատարյալ նախադրյալներ ուսումնական-բնապահպանական ճամբարների կազմակերպման համար։ Աղտոտված տարածքը (հիմնականում պլասմասե շշեր) ունի (շուտով՝ ուներ) մաքրման կարիք։
Վաղաշենի բնապահպանական ճամբար

Եզրակացություն

Հետազոտական աշխատանքի ընթացքում եկա հետևյալ եզրահանգման: «Մխիթար Սեբաստացի» կրթահամալիրի հեղինակային կրթական ծրագրերն անհնար է պատկերացնել առանց ուսումնական ճամփորդությունների և ճամբարների: Դրանք կազմում են կրթահամալիրի դասավանդողի և սովորողի ուսումնական գործընթացի մի մասը: Սովորողները կտրվում են իրենց ընտանիքից, ապրում են իրենց համար անսովոր պայմաններում, ձեռք են բերում նոր ընկերներ, զարգացնում են տարբեր հմտություններ, ամրանում են ֆիզիկապես, կողմնորոշվում են տարբեր անծանոթ իրավիճակներում:

                   Օգտագործված գրականություն և կայքեր

  1. «Մխիթար Սեբաստացի» կրթահամալիր mskh.am
  2. «Մխիթար Սեբաստացի» կրթահամալիրի մարզական կենտրոն
  3. Մանկավարժական լաբորատորիայի բլոգ
  4. Ռոբերտ Խաչատրյանի բլոգ
  5. Ալինա Թումասյանի բլոգ

Վերապատրաստում ֆիզկուլտուրա

Ատեստավորման ենթական ուսուցիչների վերապատրաստման դասընթացներ. 2022թ.

Բաժինը՝ Առարկայի դասավանդման մեթոդիկա — 30 ժամ, 2 կրեդիտ

Տևողությունը՝ հոկտեմբերի 3-28

Պարապմունքների օրերը՝ երկուշաբթի, չորեքշաբթի, ուրբաթ

Վայրը՝ Միջին դպրոց, 2-4 կաբինետ, սկիզբը՝ 15։00

Խմբերի ցուցակը

Վերապատրաստող՝Նաիրա Հարությունյան, էլ. փոստի հասցե՝ naira-fizkult@mskh.am ()

Խմբի անդամները՝ Ալիան Թումասյան, Միքայել Ղազարյան, Ռոբերտ ԽաչատրյանՆարեկ Կարապետյան

Աշխատակարգ

Թեմա 1․Ուսումնական առարկայի ուսուցման նպատակը և խնդիրները

Գործնական աշխատանք, քննարկում՝

1.Ծանոթանալ, գրել նկատառումներ «Ֆիզիկական կրթություն և անվտանգ կենսագործունեություն» բնագավառի կազմակերպման կարգ

Ընդհանուր առմամբ կարգի դրույթները կրթահամալիրում գործածելի են, բայց հակասություն կա համազգեստ չբերող սովորողի վերաբերյալ: Եթե համազգեստ չունեցող սովորողը համարվում է բացակայող, ապա սովորողը կարող է դուրս գալ դահլիճից և գնալ, այդ դեպքում ինչպես վարվի մարզիչը, քանի որ ըստ կարգի մարզիչը չի կարող դասից դուրս հանել սովորողին, և բացակա ստանալուց հետո, նա ինչպես մնա մարզադահլիճում:

Անհատական աշխատանք՝

2.Հանրակրթության հետևողական նպատակի իրականացման արդյունքում, ակնկալվում է, որ շրջանավարտը «Ֆիզիկական կուլտուրա» առարկայի ուսուցման արդյունքում պետք է իմանա՝

օգտվել՝ Ֆիզիկական կուլտուրա, ուսումնական առարկայի ծրագրից (1-12-րդ դասարաններ)

Միջին դպրոց. Գիտելիքներ, կարողություններ, հմտություններմիջին մակարդակ

  • Կարող է կատարել ընդհանուր զարգացնող վարժություների համալիրներ:
  • Կարող է կատարել կախեր և հենումներ. տղաներ՝ պտտաձողի վրա վերելք ուժով, կախ ծալված, կախ արտակորված, կախ դրությունից ձգումներ, աղջիկներ՝ կախ պառկած դրությունից ձգումներ:
  • Կարող է հենացատկել՝ այծի վրայով «Ոտքերը կծկած» եղանակով տղաներ՝100- 110սմ բարձրությունը: Աղջիկներ՝ցատկ այծի վրայով «Ոտքերը զատած» եղանակով 100սմ բարձրության:
  • Կարող է կատարել՝ Տղաներ՝ գլուխկոնծի առաջ, երկարությամբ, կանգ ձեռքերիվրա վարժակցի օգնությամբ: Աղջիկներ՝ գլուխկոնծի ետ ընդունելով կիսալարան դրությունը:
  • Կարող է պարանամագլցել ձեռքերի և ոտքերի օգնությամբ՝ տղաները 3 մ, աղջիկները 2,5 մ բարձրություն:
  • Կարող է վազել արագացումով 40մ, փոփոխական տեմպով 6 րոպե/աղջիկներ/ և 8 րոպե /տղաներ/: Վազել 1000 մետր:
  • Կարող է բարձրացատկել «Քայլանցման» եղանակով՝ տղաները 100-110 սմ,աղջիկներ 80-90 սմ բարձրության:
  • Կարող է էստաֆետային փայտիկը ճիշտ փոխանցել և ընդունել:
  • Կարող է բասկետբոլի գնդակը նետել զամբյուղի մեջ երկու քայլով, միջին և հեռու տարածությունից, կատարել տուգանային նետում: Խաղալ բասկետբոլ կանոնների պահպանումով:
  • Կարող է վոլեյբոլի գնդակը փոխանցել ցանցի վրայով և ընդունել երկու ձեռքով, կատարել ցածից և վերին ուղիղ սկզբնահարված, ուղիղ հարձակողական հարված, ընդունել սկզբնահարվածը:
  • Խաղալ վոլեյբոլ կանոնների պահպանումով:
  • Կարող է հանդբոլի գնդակով կատարել վարում, փոխանցումներ, նետում դարպասին՝ վերևից շարժման մեջ, կանգառով, ցատկով, գնդակը դուրս խփել, որսալ և շրջափակել: Խաղալ հանդբոլ կանոնների պահպանումով:
  • Կարող է հարվածել ֆուտբոլի գլորվող գնդակին, ոտնաթաթին ներսի մասով և ոտնաթմբով, գնդակը վարել, կասեցնել ոտնաթաթով, կրծքով, խլել մրցակցից:
  • Խաղալ ֆուտբոլ կանոնների պահպանումով:
  • Ցուցաբերում է համարձակություն,նախաձեռնություն, փոխօգնություն,ինքնատիրապետում, հանդուրժողականություն:
  • Կրոլ և բրաս լողաձևով լողում է հավասարաչափ և փոփոխական արագությամբ 100 մետր:
  • Կարող է խեղդվողին տեղափոխել:
  • Կարևորում է ուժային վարժություն-ների նշանակությունը ներդաշնակ զարգացման համար:
  • Կարող է ծանրաձողով կատարել կքանիստեր, սեղմումներ:
  • Կարող է մարզասարքերի վրա կատարել վարժություններ ուժի մշակման ուղղությամբ:
  • Կարող է վնասվածքների և ցրտահարությունների ժամանակ ցույց տալ առաջին օգնություն։
  • Կարող է կատարել չմշկային ընթացք և հենումով դարձում։
  • Կարող է կրկնվող դահուկաընթացքով անցնել 500մ։
  • Գիտի սեղանի թենիսի կրթական , առողջարարական և դաստիարակչական նշանակությունները։
  • Կարող է կատարել սեղանի թենիսի տեխնիկական հնարքները։ 

Միջին դպրոց. Վերջնարդյունքում՝

  • Ֆիզիկական կուլտուրայով և սպորտով զբաղվելու անհրաժեշտության, առողջության պահպանման և ներդաշնակ զարգացման կարևորում:
  • Սեփական առողջական վիճակին, ֆիզիկական զարգացմանը և ֆիզիկական պատրաստվածության հանդեպ հետևողականություն:
  • Օլիմպիզմի և օլիմպիական շարժման հումանիստական համամարդկային գաղափարների կարևորում:
  • Բարոյակամային հատկանիշներ՝ փոխօգնության պատրաստակամություն և հայրենասիրություն, հանդուրժողականություն, հարգանք ուրիշի նկատմամբ և օգնության հասնելու պատրաստակամություն:

Ավագ դպրոց. Գիտելիքներ, կարողություններ, հմտություններ: Միջին մակարդակ

  • Պատկերացումներ ունենալ տարբեր բեռնվածությունների հանդեպ օրգանիզմի ռեակցիայի մասին:
  • Գիտենալ բեռնվածության բաղադրիչները և ինքնահսկման ձևերը:
  • Տեղեկություններ տալ առողջ ապրելակերպի էության և բաղադրատարրերի կիրառման անհրաժեշտության մասին:
  • Կարողանալ վազել արագացումով 100մ, հավասարաչափ և փոփոխականտեմպով վազել 8-10 րոպե, կարողանումէ փոխանցումավազել 4*50մ, արգելավազք 60մ, կարող է հեռացատկել «Կծկված» և «Արտակորված» եղանակներով, եղանակով, բարձրացատկել տարբեր եղանակով,կարողանալ նետել նռնակը՝ թափավազքով:
  • Կարողանում է կատարել տարբեր շարափոխումներ, ընդհանուր զարգացնող վարժություներիհամալիրներ՝ կցագնդերով, կշռաքարերով (տղաներ), օղակներով , ցատկապարանով (աղջիկներ):
  • Կարող է կատարել կախեր և հենումներ. տղաներ՝ պտտաձողի վրա վերելք ուժով և շրջահենումով, ձգումներ պտտձաղին, աղջիկներ՝ կախ պառկած դրությունից ձգումներ:
  • Կարող է հենացատկել՝ նժույգի վրայով տղաներ՝ 110- 120սմ բարձրությունը: Աղջիկներ՝ ցատկ այծի վրայով «Ոտքերը զատած» եղանակով100սմ բարձրության:
  • Կարող է կատարել՝ Տղաներ՝ գլուխկոնծիառաջ, ետ երկարությամբ, կանգ ձեռքերի վրա : Աղջիկներ՝ գլուխկոնծի ետընդունելով կիսալարան դրությունը:
  • Կարող է պարանամագլցել ձեռքերի և ոտքերի օգնությամբ՝ տղաները 5 մ, աղջիկները 3 մ բարձրություն:
  • Կարողանալ՝ գնդակը սահուն վարել արագության և ուղղության փոփոխմամբ, դարձումներով և խաբուսիկ շարժումներով, գնդակի նետումներ երկու ձեռքով, ուսի վրայից, աջ և ձախ կողմերից՝ միջի հեռավորությունից, կենտրոնից տուգանային նետումներ, գնդակ ընդունում և փոխանցում տարբեր դիրքերից և իրադրություններից,պաշտպանողական և հարձակվողական գործողություններ: Խաղալ բասկետբոլ կանոնների պահպանումով:
  • Կարողանալ կատարել գնդակի ընդունում փոխանցումներ մեկ և երկու ձեռքերով տարբեր դիրքերից, տարբեր սկզբնահարվածներ- վերևից, ներքևից, ուղիղ, պտտվող, հարձակվողական հարվածներ՝ տարբեր գոտիներ, շրջափակում՝ անհատական և խմբային, տակտիկական գործողություններ: Խաղալ վոլեյբոլ կանոնների պահպանումով:
  • Կարող է հանդբոլի գնդակով կատարել վարում մրցակցի դիմադրությամբ,խաբուսիկ շարժումներով, արգելքները շրջանցելով, ընդունում և փոխանցումներ տարբեր դրություններից, նետում դարպասին՝ վերևից շարժման մեջ, կանգառով,ցատկով, հենումով, մրցակցի դիմադրությամբ, 7 և 9 մետրանոց տուգանային նետումներ, գնդակի կասեցում, որսում, հետ մղում, շրջափակում :
  • Կարողանալ հարվածել գլորվող և թռչող գնդակին ոտնաթմբով, գլխով՝ ցատկով և թափավազքով, գնդակը կասեցնել ներբանով, ոտնաթաթի դրսի մասով, ազդրով կրծքով, գլխով, գնդակի վարում ուղղության և արագություն փոփոխումով, խաբքերով, գնդակի խլում արտանքով և սահանկումով, գնդակի որսում, հետ մղում, շեղում մեկ և երկու ձեռքերով՝ ընկնելով և ցատկելով :
  • Կարողանալ լողալ կիրառական ձևերով:
  • Կարողանալ լողալ կարճ և երկար լողատարածություն բրաս, դելֆին, կրոլ կրծքի վրա և մեջքի վրա: Դրսևվորել կամային որակներ, համարձակություն , փոխօգնություն:
  • Կարողանալ կատարելմիաժամանակյա չմշկային ընթացքի տեխնիկական տարրերը:
  • Կարողանալ քայլանցումով և ցատկով հաղթահարել արգելքները:
  • Կարողանալ կողասահքով կտրուկ արգելակել:
  • Կարողանալ հավասարաչափարագությամբ հաղթահարել միջին և
  • երկար տարածություններ:
  • Կարողանալ դրսևորել կամայինընդունակություններ, վստահության և համարձակության վարքագիծ:
  • Գիտենալ տուրիզմի սոցիալական և կիրառական նշանակությունները:
  • Կարողանալ հաղթահարել բնական արգելքները:
  • Կարողանալ տուժածին ցույց տալ առաջին բուժօգնություն:
  • Կարողանալ կատարել ապահովման և ինքապահովման հնարքները: Դրսևորել կարգապահություն, փոխօգնություն, համագործակցություն, կամք:
  • Գիտենալ սեղանի թենիսի ինքնուրույն պարապմունքների կազմակերպման ձևերը: Տիրապետել կտրված և պտտված հարվածների տեխնիկային:
  • Կարողանալ հմտորեն կատարել սկզբնահարվածներ:
  • Կարողանալ մարզասարքերի վրա կատարել ուժային վարժություններ:
  • Դրսևորել ծանրաձողով ուժային վարժություններ կատարելու հմտություններ:
  • Դրսևորել ուժ և արագաուժային ընդունակություններ:
  • Գիտենալ ըմբշամարտի դերն ու նշանակությունը պատանիներին զինվորական ծառայության նախապատրաստման գործում:
  • Կատարել շրջումներ, գցումներ տարբեր դիրքերից, գիտանալ դրանց պաշտպանությունները և հակահնարքները:
  • Կարողանալ դրսևորել նախաձեռնություն, ինքնուրույնություն, ինքնքտիրապետում, սեփական շարժողական գործողությունների գնահատման կարողություն:
  • Կարողանալ համագործակցել լինել բարի, ազնիվ, հանդուրժող, ունենալ հարգանք բոլորի նկատմամբ:

Ավագ դպրոց. Վերջնարդյունքում՝

  • Ֆիզիկական կուլտուրայով և սպորտով զբաղվելու մշտկան պահանջ, առողջության պահպանման և ներդաշնակ զարգացման իրագործում:
  • Սեփական առողջական վիճակի, ֆիզիկական զարգացման և ֆիզիկական պատրաստվածության մակարդակի պահպանում:
  • Օլիմպիզմի և օլիմպիական շարժման հումանիստական համամարդկային գաղափարախոսության արժեքների ըմբռնում և իրագործում:
  • Բարոյակամային հատկանիշներ՝ փոխօգնության պատրաստակամություն և հայրենասիրություն, հանդուրժողականություն, հարգանք ուրիշի նկատմամբ և օգնության հասնելու պատրաստակամություն:

Թեմա 2․ Խմբային աշխատանքի իրականացումը ուսումնական առարկայի ուսուցման ընթացքում

Գործնական աշխատանք, քննարկում՝

Անհատական աշխատանք՝

1.Նկարագրել թիմային աշխատանքի առանձնահատկությունները, անհատի դերը թիմում:

Բոլոր մարզաձևերում շատ կարևոր է թիմ հասկացությունը, թիմային աշխատանքը, թիմում մարզիկների առողջ հարաբերությունները: Թիմի լավ մթնոլորտը խթան է հանդիսանում ,որ մարզիկները հասնեն մեծ բարձունքների, հանդես գան միասնական, թև ու թիկունք լինեն իրար, լրացնեն, քաջալերեն,ուղղեն միմյանց սխալները: Եթե չկա թիմ, չկա թիմային հաջողություն: Իհարկե թիմում մեծ դեր ունի թիմի ավագի գործոնը: Թիմի ավագ կարող է հանդիսանալ կամ՝ թիմում լավագույն խաղացողը, կամ՝ թիմի այն անդամը ում ասածը օրենք է բոլորի համար, իհարկե լավ իմաստով, ինչպես ասում են /թիմի աֆտարիտետը/, կամ՝ այն մարզիկը ումից սովորելու բան ունեն մյուսները, կամ՝ այն մարզիկը ով վայելում է մարզիչի և թիմակիցների սերը և այլն: Եթե թիմի ավագը և թիմի անդամները կատարում են մարզիչի հրահանգները, միասնական քրտնաջան աշխատում են, ապա կարող են հաղթահարել բոլոր դժվարությունները և հասնել մեծ հաղթանակների

2. Ինչպես սկսել համագործակցային նախագիծը/ նախնական պայմանավորվածություն, ծանոթացում, ընթացք, շարունակություն/

Կրթական փոխանակումների նախագծի մշակման և իրականացման կարգ

Կրթական փոխանակումներ խորագրով ամեն տարի նոյեմբերին անցկացվում են մի շարք մրցաշարեր՝ Սուսերամարտի ամենամյա մրցաշար, Վահան Ասատրյան ամենամյա մրցաշար:

3.Կազմել որևէ ընտանեկան և ակումբային նախագիծ / սկիզբ, ավարտ/

Ակումբային գործունեության կարգ

Սուսերամարտի ակումբ. միջազգային մրցաշար:

4.Ծանոթանալ կրթահամալիրի ռազմամարզական նախագծերին, դրա հիմա վրա կազմել ռազմամարզական նախագիծ սեփական դպրոցի բազայի վրա։

Մայիսին կրթահամալիրը կազմակերպում է ռազմամարզական ճամբար, ավարտական դասարանների համար, որտեղ սովորողները հանձնում են իրենց քննական նորմատիվները:

Թեմա 3․Լաբորատոր և/ կամ գործնական, նախագծային աշխատանքների կազմակերպումը ուսումնական առարկայի դասերին

Գործնական աշխատանք, քննարկում՝

  • Նախագծային ուսուցում (նախագծերի տեսակները, նախագծին ներկայացվող պահանջներ, նախագծի կառուցվածք)
  • Տարբեր մարզաձևերից մրցաշարային նախագծեր, միջազգային մրցաշարեր, սպորտլանդիաներ, միջդասարանական, ընկերկան հանդիպումներ (կանոնադրությունը, նպատակը, ընթացքը, արդյունքը)
  • Ճամփորդությամբ ուսուցում, ուսումնական ճամբարներ, հայրենագիտական ճամփորդություններ, արշավներ, ռազմամարզական ճամբարներ (նպատակը, խնդիրները, կազմակերպումը, կազմակերպման կարգը)

Անհատական աշխատանք՝

1․Կարդալ նշված հոդվածները, մեթոդական մշակումները։ Դրանցից մեկը գրախոսել։

Ուսումնական նախագծի մշակման և իրականացման կարգ

Կարդացի նախագծի մշակման և իրականացման կարգը, կարգը գրված է հասկանալի և պարզ, այլ բան է ինչպես է այն իրականացվում, դասավանդողը և սովորողը հետևու”մ են կարգի կատարմանը թե ոչ: Լրացում չունեմ:

Ուսումնական ճամփորդության կազմակերպման կարգ

Ուսումնական ճամբարի կազմակերպման կարգ: Ամառային ստեղծագործական բաց ճամբարի կազմակերպման կարգ

2․Կազմել մեկ նախագիծ, այն իրականացնել սովորողների հետ, ընթացքը և արդյունքները վերլուծել։

Ձմեռային մարզական խաղեր 2022

3․Կազմել մեկ ճամփորդության նախագիծ, այն իրականացնել սովորողների հետ, ընթացքը և արդյունքները վերլուծել։

Սուսերամարտի միջազգային բաց մրցաշար. հաշվետվություն

Թեմա 4․ Միջառարկայական կապերի օգտագործումը և ինտեգրված դասերի կազմակերպումը

Գործնական աշխատանք, քննարկում՝

  • Կենսաբանություն
  • Հայոց լեզու
  • Մաթեմատիկա
  • Ֆիզիկա
  • Պատմություն
  • ՆԶՊ
  • Տարրական դասարաններում՝ կերպարվեստ, երաժշտություն

Անհատական աշխատանք՝

1․Ներկայացնել ինչ հնարավարություն է տալիս միջառարկայական կապերի իմացությունը ֆիզիկական կուլտուրա առարկայի դասավանդման ժամանակ, ինչպես  օգտագործել այդ կապեր

Ֆիզիկական կուլտուրայի դասերին նպատակահարմար է հենվել ներառարկայական և միջառարկայական կապերի վրա։ Միջառարկայական կապերի համալիր օգտագործումը բավարար ներգուրծություն է ունենում դպրոցականների գիտելիքների և համոզմունքների ձևավորման վրա։

Ֆիզիկական կուլտուրայի դասերին հնարավորություններ կան օգտագործելու կենսաբանության (նյութափոխանակություն, սիրտանոթային և շնչառական համակարգեր, ֆիզիկական վարժությունների ներգործությունը մարդու օրգանիզմի վրա և այլն), հայոց լեզվի (մարզագույքի, կահավորանքի և վարժությունների ճիշտ տերմինաբանությւն և այլն), մաթեմատիկայի (վազքի հեռավորություն ու արագություն, տևողություն և այլն), ֆիզիկա (լողում ջրի դիմադրության հաղթահարում, դահուկասահքերում ձյան և դահուկի շփում, գնդի հրման անկյուն և այլն), պատմության (օլիմպիական խաղեր, ֆիզիկական դաստիարակության ակունքներ և այլն) ուսումնական նյութ։

Տարրական դասարաններում մեծ է կերպարվեստի (շարժումների դիրքերի գեղեցկության գնահատում), երգ-երաժշտության (վարժությունների կատարում երաժշտության նվագակցությամբ, պարային վարժություններ) և ֆիզիկական դաստիարակության փոխկապի դերը։

Միջառարկայական կապերը նպաստում են աշակերտների կողմից շարժողական կարողությունները և հմտությունները ավելի գիտակցված յուրացնելուն։

Թեմա 5․ ՏՀՏ օգտագործումը ուսումնական առարկայի դասարանական և արտադասարանային պարապմունքների ժամանակ

Գործնական աշխատանք, քննարկում՝

  • Բլոգային ուսուցում, բլոգավարություն (դասավանդողի, սովորողի բլոգին ներկայացվող պահանջներ, դասավանդողի նախագծային փաթեթ, աշխատանքային նախագիծ)
  • Ինքնուրույն  աշխատանքներ, թիմային աշ­խա­տանքներ, մրցաշարեր, ցուցադրական ելույթներ
  • Ուսումնական մարզական TV
  • Հեռավար ուսուցում, մարզական տեսանյութեր
  • Առցանց մարզական պարապմունքներ, էլեկտրոնային պրեզենտացիաներ

Անհատական աշխատանք՝

1.Կարդալ նյութերը

ՏՀՏ-ն կրթական ծրագրերում

Մանկավարժական աշխատողի բլոգին ներկայացվող պահանջներ

Սովորողի բլոգին ներկայացվող պահանջներ

Հեռավար ուսուցման կազմակերպման կարգ

Առցանց ուսումնական պարապմունքի կազմակերպման կարգ

2. Ավանդական մոդելից զատ, ինչպես օգտագործել տե­ղե­կատ­վա­կան տեխ­նոլոգիաները, ֆիզիկական կուլ­տու­­րայի դասա­վանդ­ման գործընթացում ( տեսական նյութեր, ուսու­­ցանվող ֆի­զի­կա­կան վար­ժության տեխնիկան, հայտնի մարզիկ­նե­րի մարզական կեն­սագրությունը, պատ­մա­կան փաստերը)

Հանրակրթական դպրոցում դասավանդվող «Ֆիզիկական կուլտուրա» առարկայի գործընթացում կիրառվող ավանդական մոդելը ոչ միշտ է համապատասխանում ժամանակակից հասարակության պահանջներին։ Ժամանակն է ֆիզիկական կուլտուրայի դասավանդման գործընթացում որոնել և ներդնել նոր ուղիներ, մշակել դասավանդման նոր մոդելներ` հիմնված տեղեկատվական տեխնոլոգիաների կիրառման վրա:

Ֆիզիկական կուլտուրայի դասը ընդգրկում է մեծ ծավալի տեսական նյութ, որի համար տրվում է մինիմալ քանակի դասաժամեր։ Ինչպես նաև Ֆիզիկական դաստիարակության գործընթացում բազմաթիվ են այն հարցերը (ուսուցանվող ֆիզիկական վարժության տեխնիկան, հայտնի մարզիկների մարզական կենսագրությունը, պատմական փաստերը, երևույթները և այլն), որոնց ճշգրիտ, բազմակի և անմիջական ներկայացումը կարող է առավել արդյունավետ ներգործել աշակերտների ընկալողական զգայարանների վրա, սակայն դա լիարժեք հնարավոր չէ իրագործել ավանդական ուսուցման ժամանակ։Այս խնդրի լուծման համար հիանալի միջոց կարող է հանդիսանալ համակարգչային տեխնիկան` օրինակ էլեկտրոնային շնորհանդեսները (պրեզենտացիաներ), տեսանյութերը, համացանցից վերցրած նյութերը, թվային ֆոտոպատկերները, նկարները, անիմացիաները, ինչպես նաև ձայնային և տեսաձայնային պատկերները: Այս ամենը ավելի կբարձրացնի ուսուցման գործընթացի արդյունավետությունը։

Նոր նյութի ուսուցման ընթացքում ՏՀՏ միջոցները կարող են լինել ֆիզիկական կուլտուրայի ուսուցչի անփոխարինելի գործընկերը: Գիտելիքների գնահատման ընթացքում նման ծրագրերը օգնում են խնայել ժամանակը, իսկ գործընթացը դարձնել ավելի օբյեկտիվ։

Թեմա 6 Սովորողների ճանաչողական հմտություններ, գործնական կարողություններ ձևավորող և ստեղծագործական մտածողությունը զարգացնող առաջադրանքների կիրառումը

Գործնական աշխատանք, քննարկում՝

  • Ուսումնական մարզական նյութեր, գործնական մարզական պարապմունքներ
  • Մեդիագրադարան

Անհատական աշխատանք՝

1. Կազմել դասի պլան գրաֆիկ կրտսեր և ավագ դպրոցի համար

Ֆիզկուլտուրայի ուսուցիչը պետք է լավ պատկերացնի ծրագրային նյութի բովանդակությունը, առաջադրված խնդիրները և դրանց իրականացման համար հատկացված ժամաքանակը։ Ֆիզիկական կուլտուրա առարկայի չափորոշիչը և ծրագիրը իր ճկունության շնորհիվ ուսուցչին հնարավորություն են տալիս ստեղծագործաբար պլանավորելու ծրագրային նյութը` հաշվի առնելով ժամանակը, բնակլիմայական պայմանները, դպրոցի հնարավորությունները և աշակերտների ֆիզիկական զարգացման ու շարժողական ընդունակությունների մշակումը։ Ծրագրային նյութը ամբողջ ուսումնական տարվա վրա պետք է բաշխել այն հաշվով, որ նախատեսված վարժությունները ամբողջովին ուսուցանվեն այդ ժամանակաշրջանում: Ընդունված է, որ դպրոցը ֆիզիկական կուլտուրայի ուսումնական աշխատանքների կազմակերպման համար պետք է ունենա պլանավորման հետևյալ փաստաթղթերը.

· Ժամացանց,

· Տարեկան պլանավորում /պլան-գրաֆիկ/,

· թեմատիկ պլանավորում ըստ կիսամյակների,

· դասի պլանավորում։

Ուսուցման գործընթացի արդյունավետությունը մեծապես կախված է դասի ճիշտ պլանավորումից։

Դասի բուն ընթացքը կարելի է ներկայացնել հետևյալ ընդհանրական սխեմայով.

· ներգրավիչ մաս

· հիմնական մաս

· եզրափակիչ մաս

Դասի այդ մասերից յուրաքանչյուրը ունի իր նպատակը, խնդիրները և իրականացման միջոցները։

2. Պլանավորել և ներկայացնել մասնագիտական մարզական պարապմունք / ուսուցանվող նյութը, անհրաժեշտ կահավորանքը, անհրաժեշտ գույքը, մարզվողների քանակը, անհատական և կամ խմբային աշխատանքի համար /

Մարզական ճամբար

3. Մեդիագրադարանից ընտրել ուսումնական նյութ, այն փորձարկել սովորողների հետ, գրել դիտարկումներ։

Թեմա 8․ Սովորողների ուսումնական գործունեության միավորային և ձևավորող գնահատումը

Գործնական աշխատանք, քննարկում՝

  • Դասին մասնակցություն
  • Բանավոր հարցում
  • Գործնական աշխատանք
  • Ինքնակրթություն
  • Տարբեր մակարդակի մրցաշարեր, ստուգատեսներ, ցուցադրական ելույթներ
  • Ֆլեշմոբներ

Անհատական աշխատանք՝

Գնահատումն իրականացվում է 10-միավորանոց սանդղակով:

Դրական գնահատական են համարվում 4 -10 միավորները

1. Նկարագրել գնահատման 10 միավորանոց սանդղակի կիրառումը ֆիզիկական կուլտուրայի դասերին

Գնահատումն իրականացվում է 10-միավորային սանդղակով`

Միավոր Անվանում

10 «բացառիկ»

9 «գերազանց»

8 «շատ լավ»

7 «լավ»

6 «միջինից բարձր»

5 «միջին»

4 «բավարար»

3 «անբավարար»

2 «վատ»

1 «շատ վատ»

Գնահատման 10 միավորային սանդղակի կիրառումը ֆիզիկական կուլտուրայի դասերին

1 միավոր գնահատվում է երբ աշակերտը բացարձակ չի մասնակցում դասին։

2 միավոր գնահատվում է երբ աշակերտը հրաժարվում է կատարել վարժությունը։

3 միավոր գնահատվում է երբ աշակերտը ամբողջությամբ սխալ է կատարում վարժությունը։

4 միավոր գնահատվում է երբ աշակերտը վարժությունը հիմնականում ճիշտ է կատարում, բայց անվստահ է և թույլ է տվել 2-ից ավելի նշանակալից սխալ։

5 միավոր գնահատվում է երբ աշակերտը վարժությունը հիմնականում կատարում է ճիշտ, բայց միաժամանակ թույլ է տվել 1 նշանակալի և 3 աննշան սխալ։

6 միավոր գնահատվում է երբ աշակերտը վարժությունը հիմնականում ճիշտ է կատարում , բայց միաժամանակ թույլ է տվել 1 նշանակալի և 2 աննշան սխալ։

7 միավոր գնահատվում է երբ աշակերտը վարժությունը ճիշտ է կատարում , բայց միաժամանակ թույլ է տվել 2 աննշան սխալ։

8 միավոր գնահատվում է երբ աշակերտ վարժությունը կատարում է ճիշտ, անկաշկանդ, պահպանել է ծրագրային պահանջները, բայց թույլ է տվել 1 աննշան սխալ։

9 միավոր գնահատվում է երբ աշակերտը վարժությունը կատարում է ճիշտ , ռիթմով, անկաշկանդ, պահպանել է ծրագրային բոլոր պահանջները։

10 միավոր գնահատվում է երբ աշակերտը վարժությունը կատարում է ճիշտ, միաձույլ, հստակ, սահուն, վստահ, պահպանելով ծրագրային բոլոր պահանջները, ցուցաբերում է բարձր արդյունքներ

2.Կարդալ կարգը, համեմատել, գրել նկատառումներ

Ուսումնական աշխատանքի գնահատման կարգ

Թեմա 9․ Դասավանդման ժամանակակից մոտեցումները, մեթոդները և ռազմավարությունները ուսումնական առարկայի համատեքստում

Գործնական աշխատանք, քննարկում՝

  • «Սովորող-սովորեցնող» նախագիծ
  •  Սովորողի ինքնուրույն ուսումնական գործունեու­թյուն
  • Ընդհանուր  մանկավարժական / խոսք, հրահանգ, զննակական մեթոդ/
  • Գործնական / ճակատային, հոսքային, խմբային, հերթափոխային, անհատական, շրջանային/
  • Սովորողի ընտրությամբ գործունեություն
  • Սովորողի նախասիրության ակումբներ / կրթահամալիրում և կրթահամալիրից դուրս/

Անհատական աշխատանք՝

1.«Դասավանդողի և աշակերտի համատեղ գործունեու­թյուն», ինչպիսի խնդիրներ է լուծում:

2. Սովորողի ինքնուրույն գործունեություն / պլանավորել, իրականացնել, հասնել դրված նպատակին/

3. Նկարագրել ֆիզկուլտուրայի դասին օգտագործվող մեթոդների տեսակները:

Ֆիզիկական կուլտուրայի դասերին ուսուցման մեթոդները լինում են ընդհանուր  մանկավարժական և  գործնական։

Ընդհանուր մանկավարժական մեթոդներն են`

Խոսքային մեթոդը` բացատրում, զրույց, պատմում, հրահանգ, ցուցում.Բացատրումը  պետք է լինի ճիշտ, հիմնավորված, համոզիչ, մատչելի և համառոտ։ Բացատրման ժամանակ անհրաժեշտ է հարցերի միջոցով ստուգել շարադրված նյութի յուրացման աստիճանը և բացահայտել ինքնուրույն մտածելու կարողությունը։

Զրույց երբ ուսուցման ժամանակ կիրառվում է հարց ու պատասխան։ Այն կարող է լինել ներածական, նոր գիտելիքների հաղորդման, գիտելիքների ստուգման ձևով։

Պատմում — փաստերի կամ երևույթների հաջորդաբար շարադրման ձևն է և օգտագործվում է նոր վարժություն ուսուցանելու ժամանակ։Պատմումը պետք է լինի պատկերավոր և հուզական, օրինակ` անվանի մարզիկների կյանքից, նրանց նվաճումների մասին և այլն։

Հրահանգավորումը   առաջադրանքների ճշգրիտ բացատրումն է։

Ցուցումները և Հրահանգները  սովորողների գործունեության ճիշտ կազմակերպման  միջոցներն են /սխալի դեպքում համոզիչ ցուցում/։

     Խոսքաին մեթոդների մեջ է մտնում նաև վերլուծությունը,հանձնարարությունները։

Զննական մեթոդը` վարժությունների ցուցադրում, ՏՀՏ-ի օգտագործում,  դիաֆիլմերի, պաստառների և դիտողական պարագաների օգտագործում։

Այս մեթոդները կոչված են խթանելու պարապողների տեսողական և լսողական ընկալումները շարժողական գործունեություններ կատարելիս։ Այս մեթոդը պահանջում է  ցուցադրել  վարժությունը,  ցուցադրել տարբեր տեխնիկական միջոցներ, ինչպես նաև ձայնային և լուսային ազդանշանները։ Այս մեթոդը բաժանվում է երկու մասի՝ անմիջական ` երբ շարժումը ցուցադրվում է անմիջականորեն և միջնորդված, այսինքն՝ պաստառներ, դիաֆիլմեր, նկարներ, գծանկարներ և այլն։

Գործնական մեթոդներ։

 «Ֆիզիկական կուլտուրա» առարկայի ուսուցման գործընթացում օգտագործվում են հետևյալ գործնական մեթոդները.

  1. Ֆրոնտալ կամ ճակատային, որի էությունը այն է, որ ամբողջ դասարանին տրվում է մեկ ընդհանուր առաջադրանք` միաժամանակ կատարելու համար։ Ամբողջ դասարանը ներգրավվում է ակտիվ շարժողական գործունեության մեջ և հետևաբար մեծանում է դասի շարժողական խտությունը։ Այն օգտագործվում է շարային, ընդհանուր զարգացնող, պարային, ռիթմիկ-մարմնամարզական վարժություններ կատարելիս, ինչպես նաև քայլքի և վազքի տարբեր ձևերի կատարման, դահուկային տեղաշարժերի ժամանակ։
  2. Հոսքային կամ հարահոս մեթոդ, երբ վարժությունը կատարվում է հերթականությամբ, միմյանց հետևից, անընդմեջ հոսքով։ Այսինքն, երբ մի աշակերտ սկսում է վարժությունը, մյուսը պատրաստվում ու անմիջապես ինքն է կատարում վարժությունը։ Այս մեթոդը կարելի է կիրառել մարզանստարանի կամ մարմնամարզական պատի վրա մագլցումների, կախերի ու հենումների, ակրոբատիկական, հավասարակշռության վարժությունների, թափավազքով հեռացատկի և բարձրացատկի, դահուկավազքերի կատարման դասերին։
  3. Խմբային մեթոդ, երբ դասարանը բաժանվում է խմբերի, որոնք վարժություններ են կատարում առանձին գործիքների վրա կամ գործիքներով, ապա որոշակի ժամանակից հետո, ուսուցչի հրահանգով` իրենց խմբի վարժությունը կատարելուց հետո փոխում են տեղերը։ Այն օգտագործվում է նաև մարզախաղերի (բասկետբոլ, վոլեյբոլ, հանդբոլ, ֆուտբոլ ) ուսուցման և ամրապնդման դասերին։
  4. Հերթափոխային մեթոդ, դասարանի աշակերտները բաժանվում են խմբերի, որոնք հերթա­կա­նությամբ կատարում են առաջադրված վարժությունները։ Այս մեթոդը օգտագործվում է մագլցումների, գնդակի կամ նռնակի նետումների, մարզախաղերի, ակրոբատիկական վարժությունների կատարման ժամանակ։
  5. Անհատական մեթոդ,   երբ աշակերտին տրվում է անհատական առաջադրանք,  այն հիմնականում օգտագործվում է դասարանի բժշկական նախապատ­րաս­տական խմբում ընդգրկված աշակերտներին առանձին առաջադրանք հանձնարարելով, ինչպես նաև աշակերտի գնահատման նպատակով։

6. Շրջանաձև մեթոդ. էությունը այն է, որ մարզադահլիճում կամ մարզահրապարակում կահա­վո­րում ենք մի քանի վարժատեղեր /5-6/։ Դասարանի աշակերտները բաժանվում են խմբերի վարժատեղերի քանակով։ Ուսուցչի հրահանգով վարժատեղում կանգնած աշակերտները հերթով կատարում են վարժությունը, ապա ազդանշանով հաջորդաբար անցնում են մյուս վարժատեղերում կատարվելիք վարժությունների կատարմանը։ Վարժատեղերը փոխում են այնքան  ժամանակ, մինչև խմբերը լինեն բոլոր վարժատեղերում։ Այս մեթոդը կարելի է օգտագործել միայն այն դեպքում, երբ աշակերտները յուրացրել են բոլոր վարժությունները

4. Կարդալ կարգերը, համեմատել, գրել նկատառումներ

Ընտրությամբ գործունեություն կարգ

Ակումբային գործունեության կազմակերպման կարգ

Անհատական աշխաատաժամանակ. 2022-23 ուսումնական առաջին շրջան

  1. Ուսումնական դասաժամ(14 դասաժամ՝ 11 ժամ Ավագ դպրոց, 3 ժամ Միջին դպրոց)
  2. Լրացուցիչ կրթություն (երկուշաբթի -չորեքշաբթի)
  3. Զինղեկություն
  4. Մայր դպրոցի հեծանվային ակումբի սպասարկում
  5. Այցեր կրտսեր դպրոցներ
  • քննարկումներ եռամարտի կազմակերպիչների հետ
  • մարզադահլիճների, մարզագույքի վիճակի գնահատում

2. Հեծանվակայանների վիճակի գնահատում եռամարտի կազմակերպիչների հետ:

3. Այցեր Զինկոմիսարիատ:

4. Մարզական նախագծերի համակարգում:

5. Աշխատանքներ մարզադաշտերում և հարակից տարածքում:

6. Մասնակցություն մրցաշարերի՝

  • համագործակցություն սուսերամարտի ֆեդերացիայի հետ
  • համատեղ մարզումներ

8. Այլ ընթացիկ աշխատանքներ

Լաբորատորիայի ղեկավարը՝

  •  համակարգում է մարզադպրոցի ընթացիկ աշխատանքը
  • վարում է ուսումնական մարզական բլոգը
  • մասնակցում է կրթահամալիրի մասնաժողովի նիստերին՝ մինչ մասնաժողովը ներկայացնելով տեղեկանք մարզադպրոցի տվյալ ամսվա գործունեության ամփոփման մասին
  • յուրաքանչյուր ամսվա վերջում բլոգում հրապարակում է մարզադպրոցի տվյալ ամսվա ամփոփում-հաշվետվությունը
  • կազմակերպում և վարում է սեմինար-պարապմունքներ՝ ըստ կրթահամալիրի և մարզական օրացույցի
  • ուսումնասիրում է մարզիկների  բլոգները
  • համակարգում է ձմեռային մարզական, ամառային, գարնանային ռազմամարզական ամենամյա ստուգատեսի աշխատանքները

Տարիքային հոգեբանություն

Պարտադիր ատեստացիա․ դասընթացի անվանումը՝ «Տարիքային հոգեբանություն»

Առարկայի դասավանդման ժամաքանակն ու կրեդիտը՝ 10 ժամ, 1 կրեդիտ

Տևողությունը՝ 26.09-30.09

Ժամը՝ 15:00

Տարիքային հոգեբանություն. վերապատրաստող՝ Տաթև Ավետիսյան, 

էլ. փոստի հասցե t.avetisyan@mskh.am (Ավագ դպրոց, 3-3 լսարան)

Ծանոթացում

Փոքրիկ հարց ու պատասխան տարիքային հոգեբանության վերաբերյալ

Թեմա 1․ Սովորողի հոգեկան զարգացման առանձնահատկությունները տարիքային տարբեր շրջաններում / նյութ կրտսեր , միջին , ավագ դպրոցականների հոգեկանի զարգացման վերաբերյալ/։

Աշխատանքի ընթացքը՝

Տեսական փոքրիկ նոր նյութի ուսումնասիրությունից հետո խմբային աշխատանքի կազմակերպում, որի ընթացքում մասնակիցները դուրս են բերում տարիքային փուլերին բնորոշ առանձնահատկությունները,համեմատություններ, զուգահեռներ տանելու համար։

Ըստ տարիքային փուլերի մասնակիցները կկազմեն հոգեկան գործընթացների զարգացման աղյուսակներ:

Կրտսեր դպրոցական տարիք

  •  բարձրանում է ընկալման մակարդակը 
  • ընկալվող օբյեկտները վերլուծել, տարբերակել
  • դժվար է կենտրոնացնում ուշադրությունը
  • հիշողությունում պահպանվում են ամենահուզականը, զգացմունքայինը
  • երևակայության զարգացում
  • մտածողության փուլային փոփոխությունները

Այնուհետև, կրտսեր դպրոցական տարիքի ավարտին, սովորողն ունի ակնառու պատկերավոր մտածողության ձևը, որի ժամանակ ուսուցանվող նյութի պատկերներն ու ֆիզիկապես առկա լինելն էական չէ։

Միջին դպրոցական տարիք

  •  անձնական անկայունություն
  • չափահասության, մեծ լինելու զգացում
  • «Ես» կոնցեպցիան
  • ինտելեկտուալ զարգացուման երկկողմանի դրսևորում /քանակական և որակական/
  •  ձեռք է բերում մեծահասակների մտածողության տրամաբանական ձևը
  • զարգանում է տրամաբանական հիշողությունը
  • տրամաբանական հիշողության ակտիվ զարգացում
  • ընթերցանության, մենախոսության և գրավոր խոսքի ակտիվ զարգացում

Այս փուլում դեռահասն ունենում է նաև տարիքային ճգնաժամ, որը երեք հիմնական երթագայություն է ունենում՝՝ բացասական , ճգնաժամի, հետճգնաժամային շրջան։

Ավագ դպրոցական տարիք

  • հասարակության անդամների կարծիքի կարևորում
  • ձգտում է ինքնուրույնության
  • կենտրոնանում է գործունեության առարկայի վրա,
  • մտածողության զարգացում
  • ունի հարուստ բառապաշար
  • ինքնատիրապետման զարգացում

Երիտասարդական երևակայությունը հատկապես վառ է դրսևորվում ապագայի մասին երազներում։

Եթե այս ամենը պատկերենք գրաֆիկի միջոցով կունենանք այս պատքերը;

Սովորողի հոգեկան զարգացումը, առանձնահատկությունները, ճգնաժամերը

Կրտսեր դպրոցումՄիջին դպրոցումԱվագ դպրցում
Հետաքրքրասեր ենբռնկուն ենինքնուրույն են
Ակտիվ են, շարժունինքնամփոփ են կամ եսակենտրոնինքնադրսեւորման կայու վիճակ է
Ունեն վառ երևակայությունկամային  որակների դրսեւորումծնող-երեխա բախում
Ունեն լավ հիշողությունձգտում են ինքնահաստատմանհույզերի եւ զգացմունքների շփոթ
Վախի զգացողությունծնող-երեխա, ուսուցիչ-երեխա կոնֆլիկտային իրավիճակներիհմտությունների և կարողությունների արժևորում

Աշխատանքի ամփոփում-քննարկում

Թեմա 2. Ուսումնական հետաքրքրություններ

Տեսասահիկով կներկայացվի սովորողի ուսումնական հետաքրքրությունների ձևավորման և զարգացման առանձնահատկությունների մասին պատմող փոքրիկ նյութ /կրտսեր, միջին, ավագ դպրոցականների շրջանում/ -քննարկում, նոր նյութի ամրապնդում։

Քննարկում, հարց ու պատասխանների միջոցով դուրս ենք բերում սովորողի հետաքրքրությունների խթանմանն ուղղված քայլերը, դրանց զարգացման ուղիներն ու առանձնահատկությունները

Մասնակիցներին կհանձնարարվի ընթերցման նյութ Դպիր-ից՝ Ուսումնառությունն առանց ուսուցման

Գործնական աշխատանք

Նպատակը՝ խմբային աշխատանքի կազմակերպում: Ազգային նվագարանների ճանաչում նախագիծ:

  • Համացանցից օգտվելու կարողությունները զարգացնել
  • Ուսումնասիրել և առանձնացնել կարևոր տեղեկարվություն
  • Զարգացնել սովորողների տեխնոլոգիական հմտությունները
  • Ամրապնդել իրար լսելու, քննարկելու կարողությունները
  • Զարգացնել ստեղծագործելու, երևակայելու հմտություններ
  • Խմբային աշխատանքի արդյունքում՝ ստեղծագործության ճիշտ ներկայացնելը

Աշխատատանքի ընթացք՝

  • խմբերի բաժանված սովորողները համացանցից տեղեկատվություն են գտնում ազգային նվագարանների մասին
  • խմբերից յուրաքանչյուրը ընտրում է մեկ գործիք, ուսումնասիրում եվ դուրս է բերում անհրաժեշտ ինֆորմացիան
  • միմյանց գործիքները ներկայացնելուց հետո խմբերը ունքնդում են տվյալ գործիքի նվագակցովթյամբ կատարումներ եվ երաժշտական վիկտորինայի միջոցով ստուգում են ստացած գիտելիքները:

Հաջորդիվ ունենում ենքհանդիպումներ երաժիշտների հետ ովքեր տիրապետում են այդ գործիքներին:

Նախագծի ամփոփումն այստեղ:

Նախորդ օրվա հոդվածի քննարկում, ամբողջացում, /10-15 րոպե/, ապա զույգերով գործնական խմբային աշխատանք

Թեմա 3․Ուսումնառության ոճեր — տեսական նյութը հետևյալ վերնագրերով՝

  • Ուսումնական ոճերի տեսակներն ըստ սովորողի նախասիրության`

ակտիվ, ռեֆլեկտիվ, պրագմատիկ, գործնական/, տեսական

  • Ուսուցանելու ոճերի տեսակները`

տեսողական, լսողական, գրելու-կարդալու, բոլորը մեկում

  • Դրանց արդյունավետ կիրառումը ուսումնառության գործընթացում

Գործնական պարապմունքին ներկայացնել՝

Լսողական- տեսողական

Կրտսեր դպրոցում լսոծական տեսողական զգայարանները առավել զարգացած են: Այս տարիքային խմբին հեղտ է տպավորել: Երաժշտության պարագայում այս ամենն ավելի տեսանելի է, քանի որ երաժշտության դասին խաղը և ուսուցումը ընդանում են զուգահեռ: Այդ իսկ միջոցով երեխաները հաճախ պատքերները ասոցացնովմ են երաժշտահատվածի այդ պառի հետ:

Կրտսեր դպրոցի սովորողը նախընտրում է դասի, նախագծի ակտիվ, ինտերակտիվ ու գործնական աշխատանքային փուլերը։ 

Միջին դպրոցի պարագայում պատկերը մի փոքր այլ է: Խաղին ավելանում է նաև տեսական հիմնարար գիտելիքը: Այս պարագայում երգերի և պարերի մեջ սովորողը փորձում է գտնել տրամաբանական կապ, այսինքն փորձում են երգի տեքստը կապել իրականությանը:

Ավագ դպրոգում աշխատելու փորձ գավոք դեռ չեմ ունեցել:

Գործնական աշխատանքի ամփոփումը կներկայացվի բլոգում

Թեմա 4․ Արդյունավետ կառավարում և հաղորդակցում

Յուրաքանչյուր մասնակից փորձում է կարճ ներկայացնել ի՞նչ է հաղորդակցումը և կոնֆլիկտը։ Ապա տեսասահիկով կներկայացվի նոր տեսական նյութը։

Կարճ քննարկում երեք խմբով /կրտսեր, միջին , ավագ/՝ ‹‹դասաարանի արդյունավետ կառավարման վարքի ձևերը›› խորագրով:

Ապա կառաջադրվի որևէ կոնֆլիկտային դեպքի քննարկում, ապա խնդրի լուծում։

Հավելյալ ընթերցանության նյութ՝

Կոնֆլիկտ: Կոնֆլիկտաբանություն:

Կոնֆլիկտների դրական ու բացասական կողմերը

Դասարանում արդյունավետ հաղորդակցման ռազմավարություններ

Դպիր՝ Մակարենա Գոնսալեսը դասարանում առաջ եկած կոնֆլիկտների, պատժի մասին, թարգմանությունը՝ Ն. Բարսեղյան

Անչափ շնոհակալ եմ հետաքրքիր տասընթացի համար: Յուրաքանչյուր հանդիպումը շատ տպավոիչ էր: Իրական հոգեբանությունը մեծ դրներ կարող է պացել դասավանտողի առաջ:

Դիրքորոշում և արժեք․ առաջին, երկրորդ հանդիպում

Հանդիպման վայրը՝ ՏՏ լաբորատորիա, պարապմունքի տևողությունը՝ 2 ժամ, հանդիպման ժամը՝ 15։00-17։00:  Հանդիպումները կազմակերպվում են ըստ դասավանդողների ներկայացրած անհատական պլանի: Վերապատրաստող Մարգարիտա Սարգսյան:

Հանրակրթական հիմնական ծրագրեր իրականացնող ուսումնական հաստատության՝ հերթական ատեստավորման ենթակա ուսուցիչ վերապատրաստման կարգ

Մոդուլը։ Թեմա 1, 4 ժամ, երկու հանդիպում

Մասնակիցների հաշվառման մատյան

Շաբաթվա աշխատակարգը

Հետազոտական աշխատանք

Ժողովրդավարական մշակույթի կարողունակությունների «դիրքորոշում» և «արժեք» բաղադրիչները։

Արժեքներ՝ ժողովրդավարություն, օրենքի և իրավունքի գերակայություն, արդարությունը

Առաջին պարապմունք

Կարդացեք «Կարողունակությունների կողմնորոշիչ շրջանակ ժողովրդական մշակույթի համար» փաստաթղթի 1-7-րդ գլուխները:

Երկրորդ պարապմունք՝ տեքստային մշակում։

Օգտվելով «Կարողունակությունների կողմնորոշիչ շրջանակ ժողովրդական մշակույթի համար» փաստաթղթից՝ շարադրեք՝ ինչպե՞ս եք հասկանում ներքոնշյալ արտահայտությունները և գրե´ք Ձեր հիմնավորված վերաբերմունքը դրանց մասին:

  1. քաղաքացիական դիրքորոշում
  2. ժողովրդավարական տարբեր հարցերի մասին հստակ դիրքորոշում
  3. Ժողովրդավարական մշակույթ,
  4. ժողովրդավարություն,
  5. մարդկային արժանապատվություն և մարդու իրավունքներ,
  6. մշակութային բազմազանություն,
  7. իրավունքի գերակայություն,
  8. օրենքի գերակայություն, արդարադատություն,
  9. հավասարություն,
  10. արդարություն։

Վերջին տարիներին ավելի մեծ ուշադրություն է դարձվում կրթությանը՝որպես Եվրոպայի խորհրդի մարդու իրավունքների, ժողովրդավարության և օրենքի գերակայության խթանման և պաշտպանության գործիք: Ժողովրդավարական գործընթացներին ակտիվորեն մասնակցելու կարողության ձեռքբերումն ու պահպանումը սկսվում է վաղ մանկության շրջանում և շարունակվում ողջ կյանքի ընթացքում։ Կարողունակությունների ձեռք բերման գործընթացը դինամիկ է և երբեք չի ավարտվում։ Հանգամանքները փոխվում են, և անհրաժեշտ է, որ մարդիկ զարգացնեն առկա կարողունակություններն ու ձեռք բերեն նորերը: Ուսումնական հաստատությունները կարևոր դեր են ունեն այս հարատև գործընթացում։ Դպրոցը պետք է լինի
այն վայրը, որտեղից սկսվում է ժողովրդավարական կրթությունը, հետագայում բուհը պետք է շարունակի այս գործընթացը: Եվրոպայի խորհուրդն ներկայացնում է կրթության տեսլականը, որը ներառում է չորս գլխավոր նպատակ.
► պատրաստել աշխատաշուկային.
► պատրաստել կյանքին՝ որպես ժողովրդավարական հասարակության
ակտիվ քաղաքացի.
► ապահովել անձնային զարգացում.
► ձևավորել և պահպանել լայն, առաջանցիկ գիտելիքի բազա։

Մանկավարժությունը ծառայում է ոչ միայն որպես գործիք, այլև ունի դաստիարակչական և ուսումնական նշանակություն: Կրթությունը երկար ավանդույթ է, որը հիմնված է մարդասիրական
գաղափարների վրա, որ սովորողները համարվում են իրենց ուսումնառության ակտիվ պատասխանատուներ, որ կրթության համակարգերը, մանկավարժներն իրենց ուսումնական գործընթացների կենտրոնում կդնեն ուսումնառուին և կաջակցեն նրան անկախ մտածողություն և դատողություն ձևավորելու գործում։

Այսպիսի կրթությունը հատկորոշ կապված է ժողովրդավարության բարձրագույն նպատակներին և արտացոլում է մարդու իրավունքների սկզբունքները։ Այլոց իրավունքների արժևորումը լավագույնս ընկալվում է կրթական այնպիսի միջավայրում, որտեղ յուրաքանչյուրի՝ հավասարապես մեծահասակի և երիտասարդի իրավունքներն ու պարտականությունները
հարգվում են՝ որպես դատողություններ անելու և գործողություն ձեռնարկելու հիմնակետ։

Շրջանակը կօգնի ձևավորել այնպիսի կրթություն, որը կապահովի մարդկության ծաղկումը, անհատների մարդու իրավունքների պաշտպանությունը և ժողովրդավարական արժեքների արտահայտումը հանրային մարմինների և քաղաքացիների վրա ներազդող այլ հաստատությունների միջոցով: Կրթական հաստատությունները կարող են ներդնել այս սկզբունքն ու առաջ մղել «ժողովրդավարություն սովորելը»՝

► որոշումների կայացման գործընթացների կազմակերպման ու
հաղորդակցման եղանակներով.
► քննարկումների ̸ բանավեճերի հնարավորության և հաստատության
կյանքում ակտիվ մասնակցության միջոցով.
► ուսուցիչների, սովորողների և ծնողների հարաբերությունները
փոխադարձ հարգանքի և վստահության վրա ձևավորելու աստիճանով։

Ժողովրդավարությունը, ըստ ընդունված մեկնաբանության,ժողովրդի կողմից կամ ժողովրդի անունից կառավարման ձև է։Այդուհանդերձ, ժողովրդավարությունը չի կարող գոյություն ունենալ առանց ժողովրդավարական ինստիտուտների և օրենքների, ինչպես նաև Ժողովրդավարությունը նաև պահանջում է հանրային հարթակում քաղաքացիների՝ ակտիվ մասնակցելու հանձնառություն ու վերաբերմունքը, որոնց շարքում են՝
► հանրային քննարկումների գործընթացի հանձնառում.
► սեփական կարծիքն արտահայտելու և այլոց կարծիքը լսելու
պատրաստակամություն.

► համոզմունք, որ կարծիքների տարբերություններն ու կոնֆլիկտները
պետք է լուծվեն խաղաղ/ ոչ բռնի եղանակով.
► մեծամասնության կայացրած որոշումների հանձնառում.
► փոքրամասնությունների և նրանց իրավունքների պաշտպանության
հանձնառում.
► ճանաչում և ընդունում, որ մեծամասնական կառավարումը չի կարող
վերացնել փոքրամասնությունների իրավունքները.
► իրավունքի գերակայության հանձնառում։

Բոլոր անհատներն ունեն հավասար արժեք ու հավասար արժանապատվություն, հավասար հարգանքի արժանանալու և մարդու իրավունքների ու հիմնարար ազատությունների նույն շարքից օգտվելու իրավունք, և պետք է համապատասխան վերաբերմունքի արժանանան։

Արժեքների այս շարքը ներառում է՝

  1. գիտակցում, որ բոլոր մարդկանց բնորոշ է ընդհանուր մարդասիրությունը
    և հավասար արժանապատվությունը՝ անկախ նրանց մշակութային
    պատկանելությունից, կարգավիճակից, ունակություններից կամ
    հանգամանքներից.
  2. գիտակցում, որ մարդու իրավունքները համամարդկային, անօտարելի
    և անբաժանելի են.
  3. գիտակցում, որ մարդու իրավունքները պետք է միշտ խթանել, հարգել
    ու պաշտպանել.
  4. գիտակցում, որ հիմնարար ազատությունները միշտ պետք է
    պաշտպանված լինեն, քանի դեռ դրանք չեն ստորադասում կամ
    խախտում այլոց մարդու իրավունքները.
  5. գիտակցում, որ մարդու իրավունքները հիմք են ծառայում որպես
    հասարակության հավասար անդամներ միասին ապրելու, ինչպես նաև
    աշխարհում ազատության, արդարության և խաղաղության համար։

Մշակութային բազմազանությունը կարևոր արժեք է հասարակության համար, մարդիկ
կարող են սովորել և օգուտ քաղել այլոց բազմակարծությունից, մշակութային բազմազանությունը պետք է խթանել և պաշտպանել, պետք է ոգևորել մարդկանց, որ շփվեն միմյանց հետ՝ անկախ մշակութային տարբերությունների մասին իրենց ընկալումներից, իսկ միջմշակութային երկխոսությունից պետք է օգտվել հասարակության մեջ որպես հավասարներ՝ միասին ապրելու ու
ժողովրդավարական մշակույթը զարգացնելու համար։ Մշակութային բազմազանությունը միշտ էլ պետք է արժևորվի, քանի դեռ այն չի խախտում մյուսների մարդու իրավունքներն և ազատությունները։
Արժեքների այս երկրորդ խումբը, ներառում է՝

  1. գիտակցում, որ մշակութային բազմազանությունն ու բազմակարծությունը,
    աշխարհայացքներն ու գործելակերպերը մեծ արժեք են հասարակության
    համար և զարգացման հնարավորություն են ընձեռում հասարակության
    բոլոր անդամներին.
  2. գիտակցում, որ բոլոր մարդիկ ունեն տարբեր լինելու և սեփական
    տեսակետները, դիրքորոշումները, համոզմունքներն ու կարծիքներն
    ընտրելու իրավունք
  3. գիտակցում, որ մարդիկ պետք է միշտ հարգեն մյուսների տեսակետները,
    դիրքորոշումները, համոզմունքներն ու կարծիքները, եթե դրանք
    ուղղված չեն մյուսների մարդու իրավունքների և ազատությունների
    ստորադասմանը.
  4. գիտակցում, որ մարդիկ միշտ պետք է հարգեն այլոց կենսակերպն
    ու գործելակերպերը, եթե դրանք չեն ստորադասում կամ խախտում
    մյուսների իրավունքները և ազատությունները.
  5. գիտակցում, որ մարդիկ պետք է լսեն և մասնակցեն իրենցից տարբեր
    ընկալվող մարդկանց հետ երկխոսությանը։

Բոլոր քաղաքացիները պարտադիր պետք է հնարավորություն ունենան հավասար կերպով մասնակցելու (ուղիղ կամ ոչ ուղղակի ձևով՝ ընտրված ներկայացուցիչների միջոցով) հասարակությունը կարգավորող օրենքների սահմանման և ստեղծման ընթացակարգերին, բոլոր
քաղաքացիները հասարակության ներսում պետք է ակտիվորեն մասնակցեն ժողովրդավարական գործընթացներին (ընդունելով այն հավանականությունը, որ երբեմն այս մասնկացությունը կարող չլինել խղճի բերումով կամ այլ հանգամանքով պայմանավորված), թեև որոշումները պետք է կայացվեն մեծամասնության կողմից, սակայն նաև պետք է ապահովել արդարացի և հավասար վերաբերմունք բոլոր տեսակի փոքրամասնությունների նկատմամբ, սոցիալական արդարությունը, անկողմնակալությունը և հավասարությունը պետք է աշխատի հասարակության բոլոր մակարդակներում, իսկ իրավունքի գերակայությունը պետք է գերիշխի այնպես, որ հասարակության յուրաքանչյուր անդամ արժանանա ազնիվ, արդար, անկողմնակալ և հավասար
վերաբերմունքի՝ բոլորի կողմից ընդունված օրենքներին համապատասխան:

Արժեքների այս խումբը, հետևաբար, ներառում է՝

  1. աջակցություն ժողովրդավարական գործընթացներին և ընթացակարգերին (միաժամանակ գիտակցելով, որ գործող ժողովրդավարական ընթացակարգերըկարող են օպտիմալ չլինել և որ դրանք երբեմն կարող են ժողովրդավարական միջոցներով փոփոխվելու և կատարելագործվելու կարիք ունենալ).
  2. ակտիվ քաղաքացիության կարևորության գիտակցումը (միաժամանակ գիտակցելով, որ չմասնակցելը երբեմն կարող է հիմնավորվել խղճից կամ հանգամանքից ելնելով).
  3. քաղաքական որոշումների կայացմանը քաղաքացիների ներգրավվածության կարևորության գիտակցումը.
  4. քաղաքացիական ազատությունների, այդ թվում՝ փոքրամասնական դիրքորոշում ունեցող անձանց քաղաքացիական ազատությունները պաշտպանելու անհրաժեշտության գիտակցում.
  5. աջակցություն հակամարտությունների և վեճերի խաղաղ լուծմանը.
  6. սոցիալական արդարության և սոցիալական պատասխանատվության զգացում՝ հանուն հասարակության բոլոր անդամների նկատմամբ արդար և ազնիվ վերաբերմունքի, ներառյալ հավասար հնարավորություներ բոլորի համար՝ անկախ ազգային ծագումից, էթնիկ պատկանելությունից, ռասայից, կրոնից, լեզվից, սեռից, գենդերից, քաղաքական կարծիքից,
    ծննդից, սոցիալական ծագումից, ունեցվածքից, հաշմանդամությունից, սեռական կողմնորոշումից կամ այլ կարգավիճակից.
  7. նպաստել իրավունքի գերակայությանը և բոլոր քաղաքացիների նկատմամբ հավասար և անկողմնակալ վերաբերմունքին՝ օրենքի շրջանակներում, որպես արդարադատության ապահովման միջոց։

Քաղաքացիական դիրքորոշումը մոտեցում է համայնքի կամ սոցիալական խմբի նկատմամբ։ «Համայնք» եզրույթն այստեղ օգտագործվում է մի այնպիսի սոցիալական կամ մշակութային խումբ ներկայացնելու համար, որն ավելի մեծ է, քան անձի ընտանեկան կամ ընկերական անմիջական շրջանակը և որին նա պատկանելու զգացում ունի:

Քաղաքացիական դիրքորոշումը ներառում է՝

  1. համայնքին պատկանելու և համայնքի հետ նույնականացվելու զգացում.
  2. համայնքի մյուս անդամների ուշադրություն, ըստ այդ անձանց միջև փոխկապակցվածության և այդ անձանց վրա՝ սեփական գործողությունների ներգործության.
  3. hամայնքի այլ անձանց հետ համերաշխության զգացում, այդ թվում նրանց հետ համագործակցելու և աշխատելու պատրաստակամություն, նրանց իրավունքների և բարորության նկատմամբ մտահոգվածության և հոգատարության զգացում, համայնքի ներսում հզորացումից և առավելություններից զուրկ անձանց պաշտպանելու
    պատրաստակամություն.
  4. համայնքի հարցերի և խնդիրների նկատմամբ հետաքրքրվածություն և ուշադրություն.
  5. քաղաքացիական պարտքի զգացում, համայնքային կյանքին ակտիվորեն աջակցելու պատրաստակամություն, համայնքի հարցերին, խնդիրներին և ընդհանուր բարիքին վերաբերող որոշումների կայացմանը մասնակցելու պատրաստակամություն, համայնքի մյուս անդամների հետ երկխոսելու պատրաստակամություն՝ անկախ նրանց մշակութային
    պատկանելությունից.
  6. ուժերի ներածին չափով հանձն առնել համայնքի ներսում յուր զբաղեցրած պաշտոններին կամ դերերին կցված գործառույթների, պարտականությունների կամ պարտավորությունների կատարում.
  7. համայնքի ներսում այլ անձանց նկատմամբ հաշվետվողականության և սեփական որոշումների և գործողությունների համար պատասխանատվություն կրելու զգացում։

Ուսումնական գործընթացում վերաբերմունքի և արժեքների ձևավորման
հիմունքները

Երրորդ պարապմունք՝

Փաստաթղթի ընթերցում՝

Դո´ւրս բերեք Հանրակրթական չափորոշչում ձևակերպված արժեհամակարգը: Առանձնացր՛ք հանրակրթության պետական չափորոշչով սահմանված սովորողների դիրքորոշման և արժեքային համակարգի ձևավորմանն ուղղված վերջնարդյունքները:

Միջնակարգ կրթության շրջանավարտի, վերաբերմունքը և արժեքները, վերջնարդյունքում՝/աղբյուրը ֆիզկուլտուրայի առարկայի ծրագիր/

Ֆիզիկական կուլտուրայով և սպորտով զբաղվելու մշտկան պահանջ, առողջության պահպանման և ներդաշնակ զարգացման իրագործում:

Սեփական առողջական վիճակի, ֆիզիկական զարգացման և ֆիզիկական պատրաստվածության մակարդակի պահպանում:

Օլիմպիզմի և օլիմպիական շարժման հումանիստական համամարդկային գաղափարախոսության արժեքների ըմբռնում և իրագործում:

Բարոյակամային հատկանիշներ՝ փոխօգնության պատրաստակամություն և հայրենասիրություն, հանդուրժողականություն, հարգանք ուրիշի նկատմամբ և օգնության հասնելու պատրաստակամություն:

Տարրական կրթության շրջանավարտի, վերաբերմունքը և արժեքները, վերջնարդյունքում՝/աղբյուրը ֆիզկուլտուրայի առարկայի ծրագիր/

Սեփական անձի գնահատում, առողջության առժևորում և վստահություն իր ուժերի նկատմամբ:
Սեփական մարմնի խնամքին և առողջությանը հետևելու կարևորության արժևորում:
Ֆիզիկական վարժություններով զբաղվելու նշանակության կարևորում:

Հիմնական կրթության շրջանավարտի, վերաբերմունքը և արժեքները, վերջնարդյունքում՝/աղբյուրը ֆիզկուլտուրայի առարկայի ծրագիր/

Ֆիզիկական կուլտուրայով և սպորտով զբաղվելու անհրաժեշտության, առողջության պահպանման և ներդաշնակ
զարգացման կարևորում:
Սեփական առողջական վիճակին, ֆիզիկական զարգացմանը և ֆիզիկական պատրաստվածության հանդեպ
հետևողականություն:
Օլիմպիզմի և օլիմպիական շարժման հումանիստական համամարդկային գաղափարների կարևորում:
Բարոյակամային հատկանիշներ՝ փոխօգնության պատրաստակամություն և հայրենասիրություն,
հանդուրժողականություն, հարգանք ուրիշի նկատմամբ և օգնության հասնելու պատրաստակամություն:

  1. Կարդացե´ք և քննարկե´ք նշված հոդվածները: 
  2. Բերե´ք նաև օրինակներ Ձեր մանկավարժական գործունեությունից՝ ելնելով «Դիրքորոշում և արժեք» թեմայից

Չորրորդ հանդիպում

Կարդացե՛ք հետևյալ մշակումները՝

Դո´ւրս բերեք Հանրակրթական չափորոշչում ձևակերպված արժեհամակարգը:Կարդացե´ք և քննարկե´ք նշված հոդվածները: Բերե´ք նաև օրինակներ Ձեր մանկավարժական գործունեությունից՝ ելնելով «Դիրքորոշում և արժեք» թեմայով
Ապրումակցային մանկավարժություն – Մարիետ Սիմոնյան
Քաղաքակրթությունների բախո՞ւմ – Սամյուել Հանգթինգթոն
Ժողովրդավարության և ընկերավարության գաղափարների ընկալումը դարերի երկայնքով – Արտակ Զարգարյան 
Սովորողների դիրքորոշմանը և արժեքներին ուղղված արդյունավետ մեթոդներ՝
Սկսել է պետք հայացքի-դիրքի փոփոխությունից – Աշոտ Բլեյան

Կրթական համակարգերի ժողովրդավարացում- Յուր Գանջաալյան

Միասի՞ն աշխատելու ժամանակը-Աշոտ Բլեյան

Ապրումակցային մանկավարժություն – Մարիետ Սիմոնյան
Կարդացի տիկին Մարիետի հոդվածը, համաձայն եմ այս մտքերի հետ՝
Կարևոր է կրթությունից դուրս նետել ձևականությունները՝ ձևականությունը մոտեցումների, հարաբերությունների, քարացած սովորույթների, ոչ մի բան չտվող կարգերի ու պարտադիր պահանջների…
Այնպես որ, մանկավարժությունից դեն նետենք արհեստականությունը, ձևականությունը, իներցիայի ուժը և վստահենք ուսուցչի մտքին և սրտին: Եվ ամեն ինչ կընկնի իր տեղը:

Իրականում, մեր կրթահամալիրում գերակշռում են այն սովորողները, ովքեր սրտացավ են իրենց ընկերների, դասավանդողների նկատմամբ: Ովքեր դասավանդողին ընդունում են որպես ընկեր, պահպանելով հարգանքը: Ես կարծում եմ որ այդ հարաբերությունները առաջացել են դասավանդողների ջանքերի շնորհիվ, ովքեր դեն են նետել ձևականությունները: Երկու օր առաջ սովորողներից մեկը ֆուտբոլի մարզադաշտում ոտքով հարված էր դարպասաձողին, դուք պետք է տեսնեիք թե ինչ ուշադրությամբ էին նրան շրջապատել իր խաղընկերները, ինչ արագությանբ ինձ կանչեցին, որպեսզի ես օգնեմ: Ես ուզում եմ որ մեր հասարակությունը սկսի ավելի ուշադիր լինել իր ընկերոջ, ծնողի, երեխայի, ուսուցչի և ընդհանրապես բոլորի հանդեպ, այս արժեքները պետք է սկսել սերմանել ծնված օրից:

Հինգերորդ հանդիպում

Երրորդ, չորրորդ հանդիպումներին կարդացած նյութի շուրջ մշակում, տեքստի ձևակերպում։

Իմ կարծիքը

Մարգարիտ Սարգսյանի վարած «Դիրքորոշում և արժեք» դասընթացի վերապատրաստումը վերջացավ: Դասըթացը բավականին հետաքրքիր էր, հատկապես ինձ հետաքրքրքրեց  «Կարողունակությունների կողմնորոշիչ շրջանակ ժողովրդական մշակույթի համար» աշխատությունը, կարդացի, դուրս գրեցի հետաքրքիր մտքեր: Դասընթացը առիթ էր մեկ անգամ ևս կարդալ հանրակրթական չափորոշիչը, լսել Մարգարիտին, զրուցել վերապատրաստվողների հետ թեմայի շուրջ և իմանալ նրանց կարծիքները:

Շնորհակալ եմ: